Atyraý-Astrahan tasjolyndaǵy apattan 5 adam qaza boldy
ATYRAÝ. QazAqparat - Búgin tańerteń saǵat 9.30 - da Atyraý-Astrahan tasjolynda jol apaty bolyp, onyń saldarynan 5 adam qaza tapty, dep habarlady «QazAqparat» HAA tilshisi.
«Apat Atyraýdan shyǵa berer jolda, Qara ózen aýdanynda boldy. «Toıota Land Krýzer» men «Lada Granta» kólikteri soqtyǵysty. «Lada Granta» kóligindegi júrgizýshi men tórt jolaýshy oqıǵa ornynda kóz jumdy. Jol talǵamaıtyn kóliktiń úsh jolaýshysy aýyr jaraqattarymen aýrýhanaǵa jetkizildi. Júrgizýshi qatty zardap shekken joq. Apat faktisi boıynsha sotaldy tergeý júrip jatyr», - dep habarlady óńirdiń ІІD baspasóz qyzmetindegiler.
