Atyraý - Astrahan tasjolynda iri kólik apaty: kúdikti qamaýǵa alyndy
ATYRAÝ. QazAqparat - Atyraý oblysynda 5 adam qaza tapqan jol apatyndaǵy júrgizýshi qamaýǵa alyndy, dep habarlaıdy «QazAqparat» HAA tilshisi.
«Atyraý oblysy Isataı aýdandyq sotynyń tergeý sýdıasy Atyraý oblystyq ІІD tergeý bólimi tergeýshisiniń kúdikti K.-ny qamaýǵa alý týraly bultartpaý sharasy týraly ótinishin qarady. Ol QR QK-niń 345-baby 4-bólimi boıynsha aıyptalýda. Tergeý barysynda belgili bolǵandaı, K. 2018 jyldyń 14 qańtarynda Atyraý - Astrahan tasjolynda Hyndai Accent kóligin júrgizip kele jatyp jol erejesin buzǵan. Sonyń saldarynan VAZ-2115 kóligimen soqtyǵysqan. Jol apaty saldarynan VAZ-2115 kóligindegi bes adam sol jerde qaza tapqan», - dep habarlady Atyraý oblysy Isataı aýdandyq sotynyń baspasóz qyzmeti.
Budan buryn habarlanǵandaı, Hyndai Accent-tiń tórt jolaýshysy - júrgizýshiniń jubaıy men úsh balasy túrli jaraqat alǵan.
