«Atyraý-Astrahan» tasjolyn salýdy Islam Damý Banki qarjylandyrady
ATYRAÝ. QazAqparat - «Atyraý-Astrahan» tasjolynyń qurylysyna jobalyq-smetalyq qujat daıyndaldy, dep habarlaıdy QazAqparat tilshisi.
«Atyraý-Astrahan» jolyn qalpyna keltirýdiń ekinshi baǵyty aıasynda 277 km-ge joba-smetalyq qujat daıyndaldy.
Oǵan sáıkes, jol Atyraý qalasynan bastap Reseı Federatsııasy shekarasyna deıin sozylady.
«Qazirgi tańda jobany qarjylandyratyn Islam damý bankimen kelisimshart jasaqtalýda», dep habarlaıdy oblystyq ákimdiktiń baspasóz qyzmeti.
Sonymen qatar, oblysta Atyraý qalasyn aınalyp ótetin jol salynady. Uzyndyǵy 26 shaqyrym. Bul jol «Aqtóbe-Atyraý» jáne «Atyraý-Astrahan» memlekettik mańyzy bar tasjoldaryn baılanystyrady.
Foto: ptzgovorit.ru
