Atyraý - Astrahan avtojoly qashan salynady
ASTANA. QazAqparat - Atyraý oblysynyń ákimi Nurlan Noǵaev Atyraý - Astrahan avtojoly qurylysynyń qashan bastalatynyn aıtty, dep habarlaıdy QazAqparat tilshisi.
«Atyraý - Astrahan avtojolynyń qurylysyna kelsek, bul másele Investıtsııalar jáne damý mınıstrliginiń Avtomobıl joldary komıtetiniń quzyryna qaraıdy. Avtojol qurylysy bıyl bastalýy tıis», - dep jaýap berdi Nurlan Noǵaev jýrnalısterdiń suraǵyna.
Oblys ákimi jol bólikteri qurylysynyń bastalyp ketkenin aıtty.
«Atyraý - Aqtóbe» jolynyń qurylysy bastaldy. Bıyl Atyraýdyń barlyq aýmaǵynan Reseı Federatsııasymen shekaraǵa deıingi joldar salynady», - dep naqtylady Nurlan Noǵaev.
