«Atyraý-Almaty» poıyzyndaǵy jolaýshydan 260 kıik múıizi tárkilendi
ASTANA. QazAqparat - «Bekire - 2016» jedel-izdestirý is-sharasynyń barysynda Atyraý stansasyndaǵy Іshki ister jelilik bóliminiń ákimshilik polıtsııa qyzmetkerleri «Atyraý-Almaty» baǵytyndaǵy jolaýshylar poıyzynyń vagondarynyń birinde 28 jastaǵy BQO turǵynyn ustady.
QR ІІM Kóliktegi ІІD baspasóz qyzmetiniń habarlaýynsha, Tekserý barysynda ustalǵan azamattan sáıkestendirilgen qujattarynsyz 260 dana kıik múıizderi tabylyp, tárkilenip alyndy.
Atalǵan fakt QR QK 339-baby, ıaǵnı, janýarlardyń sırek kezdesetin jáne quryp ketý qaýpi tóngen túrlerimen zańsyz aınalysý boıynsha sotqa deıingi tergeýdiń biryńǵaı tizilimine tirkeldi.
Tergeý amaldary júrgizilýde.
