«Atyraý-Aqtóbe» poıyzynyń jolserigi 200 kılogramm sazan balyǵymen ustaldy

Bul týraly búgin QR ІІM qarasty Kóliktegi ІІD -niń baspasóz qyzmetinen habarlady.

Kelip túsken aqparat boıynsha, kólik polıtseıleri júrgizgen «Brakoner» shuǵyl izdestirý sharalary barysynda «Atyraý-Aqtóbe» baǵytyndaǵy № 691 jolaýshylar poıyzynyń № 8 jumys vagonynan 200 kılogramm sazan balyǵy tárkilengen.

Tergeý barysynda anyqtalǵandaı, «iri oljanyń» ıesi Aqtóbe qalasynyń turǵyny 26 jasar jolserik ekendigi anyqtalǵan.

Qazirgi tańda tekseris jalǵasyp jatyr.