Atyraý ákiminiń atynan taratylǵan aqparat jalǵan bolyp shyqty
ATYRAÝ. QazAqparat - Atyraý oblysynyń ákimdigi áleýmettik jelilerde taraǵan ýchaskelik polıtseılerge esik ashpaýǵa bolatyny týraly ákimniń qaýlysy shyqqandyǵy jaıly aqparattyń jalǵan ekendigin málimdedi.
«Bul jalǵan aqparat jáne oǵan atyraýlyqtardyń senip qalǵandyǵy ókinishti. Atyraý oblysynyń da, qalasynyń da ákimdigi bundaı qaýly shyǵarǵan joq jáne shyǵarýǵa quqyǵy da joq edi», - dep habarlady oblystyq ákimdiktiń resmı ókili Serikjan Ermentaev.
Eske sala keteıik, bundaı aqparat búgin elordada da taraǵan eken. Alaıda Astana ákimdigi de onyń jalǵan ekendigin málimdegen.
