Atyraý ákimi Teńizdegi ahýalǵa qatysty esep berdi
NUR-SULTAN. QazAqparat - Teńiz kenishindegi koronavırýsqa qatysty jaǵdaı turaqtaldy. Bul týraly búgin Úkimet otyrysynda Atyraý oblysynyń ákimi Mahambet Dosmuhambetov aıtty, dep habarlaıdy QazAqparat tilshisi.
«Atyraý oblysynda koronavırýs ınfektsııasynyń 1 379 jaǵdaıy tirkeldi. Tirkelgen jaǵdaılar qala men aýdandar bólinisinde tómendegideı: Atyraý qalasynda 200, aýdandar ishinde joǵary kórsetkish Jyloı aýdanynda 1 100-dy qurap otyr. Onyń ishinde Teńiz kenishinde - 1 039 jaǵdaı. Qalǵan aýdandarynda 69 jaǵdaı tirkeldi. Oblysta 1 015 adam emdelip shyqty, bul 73,6 paıyzdy quraıdy. Emdelý dınamıkasynyń oń kórsetkishine qaramastan, ókinishke oraı oblysymyzda 8 adam indetten kóz jumdy. Sońǵy aptada kún saıyn shamamen 100-150 adamnyń aralyǵynda jańa koronavırýs jaǵdaıy tirkelýde.Onyń 70 paıyzdan astamy aýrý belgileri joq naýqastar», - dedi oblys basshysy.
Onyń atap ótýinshe, aýrý belgileri boıynsha medıtsınalyq kómekke júginý nátıjesinde koronaırýs anyqtalǵandar 7,6, klınıka arqyly 38, Teńizdegi demobılızatsııa kezinde anyqtalǵandar 8,7, syrttan kelgender 1 paıyzǵa jýyq, baılanysqan adamdar arqyly 44 paıyzdy quraıdy.
«Teńizde anyqtalǵan 1 039 jaǵdaı «TShO-157« merdiger uıymdarynyń qyzmetkerleri arasynda 36 aýrý oshqatarynan tabylyp otyr. Búgingi kúni Teńizdiń 94 vahtalyq qalashyǵynda 13 600 adam turyp jatyr. Birinshi demobılızatsııada 19 400, ekinshi demobılızatsııada 7 700-ge jýyq adam shyǵaryldy. Qazirgi tańda Teńizde vahtalyq aýysym uıymdastyrylyp, taza aımaqqa jumysqa keletin qyzmetkerler PTR-testiniń teris nátıjesimen eńbekke kirisýde. Búginde Teńizdegi jaǵdaı turaqtylyp, ósim 1,8 paıyzdy kórsetýde», - dedi Mahambet Dosmuhambetov.
