Atyraý ákimi marafonǵa daıyndalyp jatyr
ATYRAÝ. QazAqparat - Atyraý qalasynyń ákimi ATYRAU MARATHON marafonyna daıyndyq týraly baıandaıtyn beınerolıkke tústi. Otan qorǵaýshylar kúni men Jeńis kúnine arnalǵan marafondy Atyraý oblysy jeńil atletıka federatsııasy uıymdastyrady, dep habarlaıdy «QazAqparat» HAA tilshisi.
Atyraý qalasynyń ákimi Serik Shápkenov stadıonǵa kelip, jarys qatysatyndarmen tildesti jáne bul qashyqtyqty baǵyndyrý úshin tyńǵylyqty daıyndalý qajettigin atap ótti. Osydan keıin qala basshysynyń ózi jattyǵý jasap, qala turǵyndary men qonaqtaryn marafonǵa qatysýǵa shaqyratyn beınerolıkke tústi.
ATYRAU MARATHON 6 mamyr kúni Atyraýda ótedi jáne jarysqa 16 jasqa tolǵan kez kelgen adam qatysa alady. Marafon aıaqtalǵan soń qatysýshylarǵa qazaqstandyq estrada juldyzdary - Qaırat Nurtas, Marjan Arapbaeva jáne ózge de ártister óner kórsetedi.
22 jáne 29 sáýir kúnderi Atyraýdaǵy «Munaıshy» stadıonynda marafon qatysýshylaryna arnalǵan sheberlik synyptary ótedi, sol jerde jarysqa qatysýǵa ótinim berýge bolady. Marafon qatysýshylary jarysqa mindetti túrde tirkelýi kerek.
