Atyraý ákimi kommýnaldyq qyzmetterdiń qysqy daıyndyǵyn tekserdi
ASTANA. QazAqparat - Atyraý oblysynyń əkimi qaladaǵy kommýnaldyq qyzmetterdiń materıaldyq-tehnıkalyq bazasymen jəne qysqy, tasqyn qaýpi bar maýsymǵa daıyndyq barysymen tanysty, dep habarlaıdy Atyraý oblystyq óńirlik kommýnıkatsııalar qyzmeti.
Atyraý qalasynyń əkimi Serik Shapkenovtyń aıtýynsha, qala kóshelerin qardan tazalaý jəne ınertti materıaldar tógý boıynsha birinshi kezektegi mindetter kórsetilgen marshrýttar daıyndalǵan. Qar tazalaý jumystarymen 420 jol qyzmetshisi, 78 birlik tehnıka aınalysady.
Qala əkimi 2017-2018 jylǵy kúzgi-qysqy maýsymǵa daıyndyq boıynsha bekitilgen josparǵa səıkes jalpy uzyndyǵy 1,75 shaqyrym sý qubyrynyń apatty ýchaskesin jóndeý, jalpy uzyndyǵy 0,5 shaqyrym kəriz júıesiniń apatty ýchaskesin jóndeý, jalpy uzyndyǵy 1,1 km jylý jelisiniń apatty jelisin jóndeý jumystary jasalǵanyn aıtady.
Jylýenergetıkalyq jabdyqtar men jylý jelileri kúzgi-qysqy maýsymǵa daıyn. Jaýyn sýyn aıdaý úshin tasqyn qaýpi bar kezde 15 birlik vakýým avtokólik paıdalanylady.
«Biz jaýyn jəne tasqyn sýlaryn aıdaıtyn kommýnaldyq qyzmetterdiń arnaıy tehnıkalaryn qoldanamyz. Osynyń arqasynda ótken kúzgi-kóktemgi kezeńde tasqynnyń aldyn alýǵa múmkindik boldy», - deıdi Serik Shapkenov.
Bıyl Atyraý qalasynda 240 km jolǵa asfalt tóseldi, onyń basym bóligi qala mańyndaǵy selolyq okrýgterge tıesili. Qala əkimi qysqy maýsymda jaýyn-shashyn mólsheri shamadan kóp bolǵanda jedel əreket etý úshin qala əkimdigi ər selolyq okrýgke qar tazalaıtyn tehnıka jalǵa alatyn qarajat bólingenin aıtady. Ol qala kóshelerin qardan tez tazalaýǵa múmkindik berý maqsatynda kommýnaldyq qyzmettermen birlese jumys isteıdi.
Nurlan Noǵaev tekserý qortyndysyna sáıkes jaýapty tulǵalarǵa naqty tapsyrmalar berdi.
