Atyraý ákimi eskertkish mańynda kógershinderge nan qaldyǵyn shashpaýdy usyndy
Atyraý qalasynyń ákimi Shákir Keıkınniń aıtýynsha, kórnekti ǵalym, akademık Qanysh Sátbaevvtyń eskertkishine qatysty másele alańdatyp otyr.
«Qalamyzdyń aǵa býyn ókilderin, kózi ashyq, kókiregi oıaý ár azamatty mazalaıtyn máseleleriniń biri – qazaqtyń maqtanyshy, ult zııalysy, elimizdiń tuńǵysh akademıgi Qanysh Sátbaevqa ornatylǵan eskertkishiniń búgindegi sıqy. Buǵan sebep, el syılaǵan aǵamyzdyń jalǵyz eskertkishiniń mańy qustardyń mekenine aınalǵan. Tazalyq jumystary júrgizilgenmen, qaıtadan qorektenýge kelgen qustardyń sańǵyryǵynan aıaq alyp júrý múmkin emes, Antısanıtarlyq jaǵdaı desek, artyq bolmas. Osy maqsatta qala turǵyndaryna bul jerde qustardy qorektendirmeýge usynys bildiremin, Ári arnaıy habarlandyrý jazylyp, taratylatyn bolady. Ómirden ótken uly tulǵalarǵa eskertkish ornatý elimizdiń tarıhyn, eldigimizdi bildiredi. Osyǵan baılanysty polıtsııa basqarmasynyń basshylyǵyna aldaǵy ýaqytta kógershinderge tamaq qaldyǵyn tastaǵandarǵa abattandyrý qaǵıdasyn buzǵany úshin quqyq buzýshylyq talaptaryna saı shara qoldanýdy tapsyrdym», -dep habarlady Shákir Keıkın áleýmettik jelidegi paraqshasynda.
Ákimniń aıtýyna qaraǵanda, qazaqtyń mańdaıyna bitken akademıktiń eskertkishine qurmetpen qaraý qajet. Sondyqtan, onyń usynysyn turǵyndar qoldaıtynyna senedi.
«Árıne, kógershin – beıbitshilik sımvoly ekeni sózsiz. Biraq, búgingi eskertkish basyndaǵy kórinis bul túsinikke saı kelmeıdi. Sol sebepten, qala turǵyndaryn bul jerde kógershinderge nan qaldyqtary men basqa da taǵamdardy tastamaýǵa shaqyramyn», -dep málim etti Shákir Keıkın.
Eske sala ketelik, budan burynSaraıshyqta ótetin ulttyq quryltaıda Qasym han eskertkishi ashylatynyn jazǵan bolatynbyz.
