Atyraý ákimi azamattardy «Qamqorlyq» aıyna belsene qatysýǵa shaqyrdy
Qala kúni merekesine oraı Atyraý qalasynyń ákimi Alımuhammed Quttymurat-uly «Shańyraq» otbasy úlgisindegi balalar aýylynyń tárbıelenýshilerine barǵan bolatyn.Búginde munda 3,5 jastan 18 jasqa deıingi 62 bala turady. Olardyń árqaısysynda 10 baladan tárbıelenetin alty otbasy jeke jabdyqtalǵan bólmelerde turady, onda jatyn bólmesi, as úı, oıyn bólmesi jáne qonaq bólmesi bar.
«Shańyraq» otbasy úlgisindegi balalar aýylynyń dırektory Gúlsara Botataevanyń aıtýynsha, balalardyń 20% - yn jetim balalar quraıdy jáne jergilikti turǵyndardyń basym bóligi -ata-anasynyń qamqorlyǵynsyz qalǵan balalar.
«Bıyl bizdiń aýyl úshin óte qýanyshty jyl boldy, bizge jańa ǵımarat salýǵa jer bólgen bolatyn, qazir biz burynǵy balabaqsha ǵımaratynda turamyz. Qazirgi ýaqytta jańa aýyl qurylysyna JSQ memlekettik saraptamadan ótýde, biz jaqyn arada balalardyń qonys toıyn toılaımyz dep úmittenemiz»,- deıdi Gúlsara Botataeva.
Atyraý qalasynyń ákimi Alımuhammed Quttumurat-uly balalardy kele jatqan qala kúnimen quttyqtap, jergilikti turǵyndardyń árqaısysyna syılyqtar tabys etti. Alǵys retinde balalar qonaqtarǵa kontsert kórsetti.
«Barshańyzǵa belgili, 1 qazanda jalpyrespýblıkalyq "Qamqorlyq" aıy bastalyp,bul kúni Qarttar úıinde qarttar úshin qaıyrymdylyq túski as uıymdastyrylǵan bolatyn. Búgin biz "Shańyraq" balalar aýylynyń balalaryna baryp qaıttyq. Bul jumys aldaǵy ýaqytta da jalǵasatyn bolady. Atyraý qalasynyń barlyq turǵyndaryn osy aktsııany qoldaýǵa jáne naǵyz muqtaj adamdarǵa kóńil bólýge shaqyramyz», - dedi Atyraý qalasynyń ákimi.
Aıta keteıik, jalpyrespýblıkalyq «Qamqorlyq» aıy qazan aıynyń sońyna deıin jalǵasady. Qazaqstannyń barlyq aımaqtarynda 30 kún boıy qaıyrymdylyq is-sharalar, sondaı-aq qaıyrymdylyq pen meıirimdilik aktsııalary ótkiziledi.
