Atyraý ákimi 30 naýryzdan engiziletin shekteýler týraly aıtty
ATYRAÝ. QazAqparat –30 naýryzdan bastap Atyraý qalasyna kirip-shyǵý shekteledi. Búgin bul týraly Atyraý qalasynyń ákimi Qaırat Orazbaev Facebook-tegi paraqshasynda jazdy, dep habarlaıdy QazAqparat.
Qala ákiminiń málimetinshe, koronavırýstyń taralýyna qatysty qazirgi jaǵdaıdy eskere otyryp, erteń Atyraý qalasyna kirip-shyǵýǵa jáne qoǵamdyq kólik jumysyna shekteýler qoıylady.
«Qyzmet kórsetý sektorynyń qyzmeti (sulýlyq salondary, monshalar jáne t.b.), jabyq qurylys bazarlary, saýda ortalyqtary men mańyzdy taýarlarǵa qatysy joq saýda núkteleri, taýarlardy jetkizý arqyly satý múmkindigin saqtaı otyryp qyzmetin toqtatady. Balabaqshalardyń da jumysy toqtatylady. Azyq-túlik bazarlary men dúkender, dárihanalar, kommýnaldyq qyzmetter, jóndeý qyzmetteri, tazalaý jáne zararsyzdandyrý qyzmetteri shekteýsiz jumys isteıdi», - dep jazdy Qaırat Orazbaev.
Onyń aıtýynsha, barlyq jumysty oblystyq shtab úılestiredi. Ákimdikter jumysy onlaın rejıminde qoljetimdi bolady. Áleýmettik jelilerdegi azamattardyń barlyq ótinishteri baqylanady. Jaýaptar 109 senim telefony arqyly beriledi.
