Atyraý ákimdigi joldaǵy shuńqyrlarǵa nelikten kirpish salynǵanyn túsindirdi

ATYRAÝ.QazAqparat - Atyraý ákimdigi bul jóndeý jumystary bastalǵanǵa deıingi ýaqytsha sharalar ekenin túsindirdi, dep habarlaıdy QazAqparat tilshisi.

Áleýmettik jelilerde Atyraýdyń ortalyq kópirindegi jáne joldaryndaǵy kirpish shuńqyrlar beınelengen fotolar tarap jatyr.

«Qys mezgilinde asfalt betindegi shuńqyrlarda kirpishterdiń paıda bolýy jóndeý jumystary bastalǵanǵa deıingi ýaqytsha kórinis. Al jóndeý jumystary Atyraýda kún jylynysymen birden bastalady. Joldy jóndeý jumystary naýryz aıynyń úshinshi onkúndigine josparlanǵan. Kún jyly bolsa jóndeý jumystaryn bastaımyz. Búgingi shara júrgizýshiler úshin qolaısyzdyqty barynsha azaıtýǵa baǵyttalǵan», - dedi qala ákimdiginiń baspasóz qyzmeti.

Ortalyq kópirde jazda jamaý emes, ortasha jóndeý jumystary júrgiziledi dep josparlanýda.

Vıktor Sýtıagın