Atyraý ákimdigi balyq túrleriniń joıylýyna qarsy turýǵa shamasy jetpeı otyr
ASTANA. Aqpannyń 12-si. QazAqparat /Qanat Mámetqazyuly/ - Atyraý oblysynyń ákimdigi balyq túrleriniń joıylýyna qarsy turýǵa shamasy jetpeı otyr. Bul týraly búgin «Nur Otan» HDP janyndaǵy Jemqorlyqpen kúres jónindegi Respýblıkalyq qoǵamdyq keńestiń otyrysynda málim boldy,
dep habarlaıdy QazAqparat.
«Biz komıssııa sarapshylarynyń («Nur Otan» HDP Jemqorlyqpen kúres jónindegi komıssııa) balyqty qorǵaý ınspektsııasy qyzmetkerleri jemqorlyq áreketteri arqaly tabıǵı resýrstarǵa aıtarlyqtaı zalal keltirdi degen qorytyndysymen tolyq kelisemiz. Balyqtyń bekire túrleri joǵalý qaýpinde tur. Al balyqty qorǵaý ınspektsııasy ne istep otyr degenge keletin bolsaq, bular ózderiniń balyq qorlaryn qorǵaýǵa qatysty tikeleı mindetterimen aınalysýdyń ornyna, kerisinshe bekire tuqymdas balyqtardy aýlaý jóninde lımıtti arttyryp, bundaı baǵaly balyq túrleriniń joǵalýyna jaǵdaı jasap otyr. Bul jaıynda birneshe márte málimdegenimiz bolmasa, bizde balyqqa qatysty qadaǵalaý jáne baqylaý sekildi qyzmetimiz joq. Sol sebepti ákimdik balyqtyń baǵaly túrleriniń jappaı joıylýyna qarsy sharalardy atqara almaı otyr, buǵan kúshi de kelmeıdi», dedi jıyn barysynda baıandama jasaǵan Atyraý oblysy ákiminiń orynbasary Bolat Dáýkenov. Osyǵan oraı, ákim orynbasary Qoǵamdyq keńesten atalǵan máselege basa nazar aýdaryp, tıisti sharalar qabyldaýdy jáne bul baǵytta ákimdiktiń qoldaýlar jasaıtynyn málim etti.
Toqtala ketetin jaıt, Atyraý oblysyndaǵy sybaılas jemqorlyqqa qatysty Qoǵamdyq keńes komıssııasynyń shyǵarǵan qorytyndysynyń birqatar bóligine ákimdik tarapynan kelispeýshilik bildirildi. «Belgili bir kemshilikter bolǵanyn moıyndaımyz. Degenmen, sarapshylar komıssııasynyń birqatar qortyndylaryna qatysty kelispeýshilik bildiremiz», dedi jıyn barysynda ákimniń orynbasary.
