Atylǵan oq, qolǵa túsken brakonerler: Kaspııde sheteldikter ustaldy
NUR-SULTAN. QazAqparat - Qazaqstannyń Kaspıı teńizindegi sý aýmaǵynda balyq aýlaǵan shetelikter ustaldy. Bul jaıynda QR UQK baspasóz qyzmetinen málim etti, dep habarlaıdy QazAqparat tilshisi.
Vedomstvo málimetinshe, Shekara qyzmetiniń Mańǵystaý oblystyq departamenti 2020 jylǵy 30 sáýirde Qazaqstannyń aýmaqtyq sýlarynda túngi patrýldeý kezinde shekarany buzǵan kemeni anyqtaǵan. Shekarashylar halyqaralyq zańnamada kózdelgen toqtaýdyń vızýaldyq jáne dybystyq pármenin bergen sátte keme jyldamdyǵyn ulǵaıtyp, qashýǵa áreket jasaǵan. Shekara qyzmeti qyzmetkerleriniń kemeni toqtatý týraly talaptaryna baǵynbaý belgisi baıqalǵannan keıin áýege jáne keme qozǵaltqyshyna oq atylǵan.
«4 sheteldik ustalyp, qozǵaltqyshqa atylǵan oqtyń taıqyp ketýi saldarynan zardap shekkenderge alǵashqy medıtsınalyq kómek kórsetildi. Shekara buzýshylar jáne olardyń joǵary jyldamdyqty qozǵaltqyshpen, spýtnıktik baılanys jáne GPS-navıgatorymen jabdyqtalǵan kemesi portqa súırep jetkizildi. Qazirgi ýaqytta shuǵyl tergeý amaldary júrgizilip jatyr», - delingen taratylǵan aqparatta.
