Aty-shýly «Qorǵas isine» qatysy bar taǵy 1 qylmysker ustaldy
ASTANA. QazAqparat - Aty-shýly «Qorǵas isine» qatysy bar taǵy bir qylmysker ustaldy . Bul týraly Sybaılas jemqorlyqqa qarsy is-qımyl ulttyq bıýrosynyń baspasóz qyzmetinen habarlady.
«2016 jyldyń 22 qańtarynda Almaty qalasynda Sybaılas jemqorlyqqa qarsy is-qımyl bıýrosy «Qorǵas» qylmystyq isi boıynsha uıymdasqan qylmystyń toptyń belsendileriniń biri E.Malybaevty ustady. E.Malybaev 2007-2011 jyldary aralyǵynda qylmystyq toptyń quramynda júrip, kontrabandalyq jolmen Qytaı Halyq Respýblıkasynan Qazaqstan Respýblıkasy aýmaǵyna óte iri kólemde júkter men taýarlardy jetkizýmen aınalysqan qurylymdyq bólimsheniń jetekshisi bolǵan. E.Malybaev 2011 jyldyń mamyrynan izdeýde boldy jáne qolda bar aqparattarǵa sáıkes Reseı Federatsııasy, Túrkııa jáne Qyrǵyz Respýblıkasy aýmaqtarynda boı tasalaǵan»,- delingen habarlamada.
Jalpy, vedomstvo aqparatyna sáıkes, «qorǵasy isi» boıynsha 31 adamǵa izdeý jarııalanyp, onyń 30 ustalǵan. Olardyń 3-eýi Birikken Arab Ámirliginen, 1-eýi Reseıden jáne taǵy bireýi Qyrǵyzstannan elge qaıtaryldy.
«Qazirgi ýaqytta atalǵan qylmystyq istiń Túrkııada ustalǵan sońǵy fıgýrantyn Qazaqstanǵa ekstradıtsııalaý máselesi sheshilý ústinde», - delingen habarlamada.
