«Aty biryńǵaı, zaty qaıshylyqty júıe bolyp shyqty» - respýblıkalyq basylymdarǵa sholý

Keshe Qazaqstanǵa saparmen kelgen Birikken Ulttar Uıymynyń Bas hatshysy Pan Gı Mýn Semeı óńirindegi burynǵy synaq aımaǵynda boldy. Atalǵan taqyrypty arqaý etken maqala «Egemen Qazaqstan» basylymynyń búgingi sanynda «ıAdrolyq qarýǵa ıe barlyq memleketterdi Qazaqstannyń jolymen júrýge shaqyramyn» degen Pan Gı Mýn myrzanyń sózimen berilipti. «Mártebeli meıman Kýrchatov qalasymen, jalpy keshegi synaq polıgonynyń ótkeni men búgingi tynysy týraly tanystyǵy osyn­daǵy Ulttyq ıadrolyq ortalyq quramyndaǵy polıgon tarıhy murajaıynan bastaldy. Semeı qasiretin aıǵaqty derektermen sıpattaıtyn bul murajaımen Bas hatshy asyqpaı tanysty. Budan keıin ol termoıadrolyq "Tokamak" reaktorynda boldy. Munyń alǵashqysy, joǵaryda aıtqandaı, osy óńirdegi eldiń basynan ótken keshegi qıly tarıhty qozǵasa, ekinshisi egemen eldiń jarqyn bolashaǵyn aıǵaqtaıdy»,- dep jazdy basylym.

Atyraý qalasynda "Atyraý Munaı, Gaz jáne Infraqurylym - Atyrau Oil & Gas 2010" kórmesi men "OilTech Atyrau" konferentsııasy ótti. Oǵan Ulybrıtanııa, Germanııa, Italııa, Qazaqstan, Qytaı, Lıtva, Reseı, Túrkııa, Ýkraına men Frantsııadan kelgen 100 kompanııa qatysty. Egjeı-tegjeıin «Egemen Qazaqstan» gazetiniń búgingi sanyndaǵy «Munaı-gaz ónerkásibine qyzyǵýshylyq» atty maqaladan oqı alasyzdar.

«Qańtar aıynan bastap kez kelgen turǵynǵa ózine unaıtyn emdeý mekemesin tańdaýǵa tolyq quqyq berildi. Almatylyqtarǵa ýchaskelik emhanalardyń qyzmet sapasyn anyqtaý qıyn bolsa da, halyq shartty túrdegi qalaýy boıynsha emhana tańdaýǵa májbúr boldy. Degenmen «osy táýir-aý» degen emhanany tańdaǵan turǵyndy kútip turǵan kól-kósir jeńildik taǵy bolmaı shyqty. Eń áýeli, emhana aýystyratyn turǵyn «ýchaskelik dárigerge ózim kelip qaralamyn, úıge shaqyrmaımyn» dep qujat rásimdeýi qajet. Óıtkeni jańa júıe boıynsha basqa emhanany tańdaǵan jaǵdaıda burynǵy ýchaskelik dárigerińiz ekibastan, tipti jańa dárigerińiz de úıge kelip kómek kórsetpeıdi»,- dep jazdy «Alash aınasy» basylymynyń búgingi sany. Egjeı-tegjıin gazettegi «Aty biryńǵaı, zaty qaıshylyqty júıe bolyp shyqty»degen atpen berilgen maqaladan oqı alasyzdar.

«Alash aınasy» gazetiniń dástúrli «Dat» aıdaryndaǵy «Otbasylyq dáriger eń aldymen shalǵaı aýyldarǵa qajet» degen taqyryppen berilgen suhbatta, medıtsına ǵylymynyń doktory Asqar Seısenbavpen búgingi densaýlyq saqtaý salasyndaǵy ózgerister men ózekti máseleler jóninde áńgime órbitipti. Dat aıdarynyń qonaǵy otbasylyq dárigerler elimizde damymaı otyrǵanyn tilge tıek ete kelip, otbasylyq dárigerdi qoldanyp otyrǵan búgingi tańdaǵy sheteldiń úzdik tájirıbesine ıek artady. «Únemi dáriger baqylaýyndaǵy patsıenttiń syrqaty asqynbaıdy. Eýropada otbasylyq dárigerler qyzmeti keńinen qoldanylyp keledi. Nátıjesinde qurt aýrýy, demikpe jáne túrli juqpaly indetterdiń aldyn alý múmkindigi týǵan. Sondyqtan da bul mamandyq ıeleri bizdiń tájirıbemizge de neǵurlym tezirek ense bizdiń soǵurlym utarymyz mol bolmaq» - deıdi Asqar Seısenbaev.

Burynǵy densaýlyq saqtaý júıesi boıynsha naýqastarǵa beriletin kvotalar jergilikti densaýlyq saqtaý departamentterine beriletin. Oblystyq basqarmalarǵa úlestiriletin mundaı jeńildikter júzdegen kepterge bir ýys dán shashqanmen birdeı edi. Mundaıda jaqyn turǵan jerdegi qustardyń aýzy maılanatyny sııaqty jergilikti departamentke túsken kvotalar qý-jylpostar men árneniń ebin tapqandardyń qanjyǵasynda ketetin. Bıylǵy jyly engizilgen birińǵaı ulttyq densaýlyq saqtaý júıesi arqyly naýqas adam qaı jerde emdelýin ózi sheshetin quqyqqa ıe bolady dep ýáde berilgen-di. Jaqynda osy máseleni ózgertý týraly áńgime kóterildi. Alys aýyldardaǵy kvotany qaıdan alǵan tıimdi? Osy másele týraly «Alash aınasy» gazetiniń búgingi sanyndaǵy «Aýrý qalaǵa emes, dáriger aýylǵa barǵany durys shyǵar» atty maqaladan oqýǵa bolady

Árbir kún bizdi elimizde buryn-sońdy bolyp kórmegen ǵalamat sport dodasy - Azıadaǵa jaqyndata túsýde. «Egemen Qazaqstan» basylymynyń búgingi sanynda jaryq kórgen «Almaty Azıadadaǵa adymdap barady» atty maqala elimizde ótetin osy dúbirli dodaǵa toqtalypty. «Astana jáne Almaty qalalarynda 2011 jyldyń 30 qańtary men 6 aqpany araly­ǵynda ótetin osynaý VІІ Qysqy Azııa oıyn­darynyń aýqymy aýyz toltyryp aıtýǵa turarlyqtaı. Onyń jalpy baǵdarlamasyna keler bolsaq, sporttyń 11 túri boıynsha 70 medaldar jıyntyǵyn sarapqa salý kózdel­gen. Azıada baǵdarlamasynyń almatylyq bóliginde jarystar sporttyń 8 túri boıyn­sha: shańǵymen júgirý, bıatlon, taý shań­ǵysy, frıstaıl, shańǵymen tuǵyrdan sekirý, dopty hokkeı (bendı), shańǵydaǵy qysqy sporttyq baǵdarlaý jáne áıelder hokkeıi­nen ótetin bolyp kelisilgen»,-deıdi basylym.

***

Ótken jyly qyrkúıek aıynda Sh. Aımanov atyndaǵy «Qazaqfılm» kınostýdııasy «Birjan sal» atty jańa fılmniń tusaýyn kesken bolatyn. «Aıqyn» basylymynyń búgingi sanynda jaryq kórgen «Kezinde qoly baılanǵan Birjan saldyń qazir nege joly baılanyp tur?» attymaqala atalǵan fılmniń jurt arasynda kórsetilmeı jatqanyn tilge tıek etipti. Osyǵan baılanysty maqalada jańa shyǵarmanyń rejısseri Doshan Joljaqsynov pen stsenarıı avtory Talasbek Ásemqulov óz oılaryn ortaǵa salypty.

«Úsh baǵyt ushpaqqa shyǵara ma?» Osyndaı saýalǵa qurylǵan «Aıqyn» gazetiniń búgingi sanyndaǵy kelesi maqala keshe «Atameken» Odaǵy» Ulttyq ekonomıkalyq palatasynyń keńeıtilgen jıyna nazar aýdarypty. «Jıynda Úkimet atynan kelgen Ekonomıkalyq damý jáne saýda vıtse-mınıstri M.Qusaıynov «Bıznestiń jol karsasy-2020»-nyń tanystyrylymyn jasady»,-deıdi basylym.

«Adamı ólshem qaýipsizdik tujyrymdamasynyń quramdas bóligi, bul sóz joq, EQYU qyzmetiniń basym baǵyttarynyń biri. Sonymen qatar adamı ólshemniń nasıhaty da jaqsy. Ásirese, bul baǵyt ádette keńinen jaryqqa shyǵady»,-deıdi Qazaqstannyń EQYU janyndaǵy turaqty ókili Qaırat Ábdirahmanov «Aıqyn» gazetine bergen suhbatynda. Qazaqstan tóraǵalyǵynyń alǵashqy kezeńindegi qortyndysy jaıynda bilgińiz kelse, gazettegi «Tóraǵalyq álemdik qaýymdastyq aldynda saıası salmaq pen bedel alyp keldi» degen taqyryptaǵy suhbatqa nazar aýdaryńyz.