Aty ańyzǵa aınalǵan teńizshi D. Kýktyń tapanshasy Avstralııadaǵy bássaýdada 227 myń dollarǵa satyldy
ASTANA. 15 aqpan. QazAqparat - Aǵylshyn teńizshisi Djeıms Kýktyń tapanshasy keshe Avstralııanyń Melbýrn qalasynda ótken bássaýdada 227 myń dollarǵa satyldy,
dep habarlaıdy brıtandyq BAQ.
Saýdany uıymdastyrǵan "Leskı" /Leski Auctions/ bássaýda úıiniń qyzmetkeri Kassandra Hılberdiń baıandaýynsha, XVIII ǵasyrdyń basynda Nıderlandy qarý sheberi jasaǵan tapanshany Avstralııanyń Vıktorııa shtatynan kelgen azamat satyp alǵan. Alǵashynda bul eski qarýdy 105 myńnan 210 myń dollarǵa deıin satý josparlanǵan edi.
Buǵan deıin "Leskı" bássaýda úıiniń negizin qalaýshy Charlz Leskı teńizshi qaıtys bolǵannan keıin, onyń qaldyrǵan ósıetine sáıkes, tapansha Kýktyń ápkesine berildi. Onyń urpaqtary eski qarýdy otbasynyń erekshe qurmetteıtin buıymyna sanap, 200 jyldan astam saqtap keldi. Tek 2003 jyly ol Edınbýrgtaǵy bássaýdada Melbýrnnyń lord-meri Ron Ýolkerge satyldy.
