Aty ańyzǵa aınalǵan Pele aýrýhanaǵa tústi
NUR-SULTAN. QazAqparat – Brazılııalyq fýtbolshy Pele 31 tamyz, seısenbi kúni tańerteń aýrýhanaǵa tústi, dep habarlaıdy QazAqparat O Dia-ǵa silteme jasap.
Brazılııalyq BAQ-tyń málimetinshe, 80 jastaǵy fýtbolshy esin joǵaltqan. Peleniń densaýlyǵynyń nasharlaýynyń sebepterin anyqtaý úshin ony San-Paýlýdaǵy Albert Eınshteın atyndaǵy aýrýhananyń qarqyndy terapııa bólimshesine ornalastyrǵan.
Keıinirek Pele óziniń Twitter-inde esin joǵaltqanyn, biraq qazir ózin jaqsy sezinetini týraly jazdy. Ol qazirgi kezde koronavırýs pandemııasynan josparly tekseristen ótip jatqanyn aıtty. Fýtbolshy tipti kelesi jeksenbide alańǵa shyǵatynyn aıtyp ázildedi.
Pele (Edson Arantıs dý Nasımentý) Brazılııanyń quramynda álem chempıonatyn úsh ret jeńgen. Ol Halyqaralyq fýtbol federatsııasynyń (FIFA) nusqasy boıynsha júz jyldyqtyń oıynshysy atandy.
