Aty ańyzǵa aınalǵan Muhammed Álıdiń nemeresi rıngke shyǵady

NUR-SULTAN. QazAqparat - 12 jeltoqsanǵa qaraǵan túni Nıý-Iorkte boks keshi ótedi, onyń basty oqıǵasy ýkraınalyq Vasılıı Lomachenko men ganalyq Rıchard Kommı arasyndaǵy jekpe-jek bolmaq. Boks keshi aıasynda Muhammed Álıdiń nemeresi – Nıko Alı Ýolshke Reıes Sanches qarsy shyǵady, dep habarlaıdy Sports.kz.

Eske sala ketsek, buǵan deıin Rıchard Kommı Teofımo Lopespen aıqasyp, IBF nusqasy boıynsha belbeýinen aıyrylyp qalǵan bolatyn.

Bir qyzyǵy, Lomachenko buǵan deıingi kezdesýin Lopestiń burynǵy qarsylasymen ótkizgen edi. Maýsym aıynda bolǵan jekpe-jekte Vasılıı Lomachenko Masaesı Nakatanıdi súrindirdi.

Ýkraınalyq boksshynyń esebinde 15 jeńis (11 nokaýtpen) jáne 2 jeńilis bar. Al ganalyq 30 ret qarsylasynan basym tússe (27 KO), úsh kezdesýinde súringen.