Aty ańyzǵa aınalǵan «Halyq qaharmany» Baqytjan Ertaev aýǵan soǵysyna qatysty syrlarymen bólispek
ASTANA. QazAqparat - 14 naýryz kúni saǵat 21.00-de «Qazaqstan» telearnasynan aty ańyzǵa aınalǵan dańqty qolbasshy Baqytjan Ertaevtyń ómirinen úzik syr kórermenderge jol tartpaq, dep habarlaıdy telearnanyń baspasóz qyzmetinen.
Elbasynyń qolynan 2008 jyly Qazaqstannyń bas marapaty - «Halyq qaharmany» ataǵyn alǵan, aty ańyzǵa aınalǵan general-leıtenant, Májilis depýtaty, dańqty qolbasshy, ınternatsıonalıst-jaýynger Baqytjan Ertaev «Senbilik kezdesý» baǵdarlamasynda Aýǵanstan soǵysyna qatysty kóptegen syrlaryn ashady.
Óziniń búkil sanaly ǵumyryn áskerı salaǵa arnap, qatardaǵy jaýyngerden general-leıtenantqa deıingi soqtyqpaly-soqpaqty úlken joldan ótken qolbasshy Baqytjan Ertaevtyń taǵdyr tanytqan alǵashqy mahabbaty pen alǵashqy eńbek jolyndaǵy qadamdary, qaıǵy men orny tolmas qazalar. Búgingi kúni ol nemen aınalysady, óskeleń urpaqqa aıtar ne taǵylymy bar, bos ýaqytyn qalaı ótkizedi?
Bul saýaldyń bárine jaýapty «Qazaqstan» telearnasynda aqpannyń sońǵy senbisinde efırge shyqqan jańa formattaǵy - «memýarlyq» janrdaǵy «Senbilik kezdesý» atty jańa baǵdarlamanyń júrgizýshisi Qurmanbek Jumaǵalı tanymal tulǵanyń el bilmeıtin jeke ómiriniń qyr-syrlaryn ashý barysynda beredi.
