Aty ańyzǵa aınalǵan fýtbolshy Býffon qoshtasý hatyn jazdy
ASTANA. QazAqparat - Aty ańyzǵa aınalǵan ıtalııalyq fýtbolshy, Týrınniń «ıÝventýs» komandasynyń qaqpashysy Djanlýıdjı Býffon Instagramdaǵy paraqshasynda jankúıerlerge arnalǵan qoshtasý hatyn jarııalady, dep habarlaıdy QazAqparat tilshisi.
«Alty myń bir júz on bir kún.
Alty myń bir júz on bir kúnge sozylǵan naǵyz ystyq sezim. Qýanysh, kóz jasy, jeńilis jáne jeńis sezimi.
Rahmet.
Rahmet árbirińizge.
Óıtkeni, meniń aq-qara túspen ótkizgen ómirimniń ár sátin erekshe etýge árqaısyńyz kómektestińizder. Osy túster ústimdegi terime, ekinshi terime aınaldy. Ony ústimnen tastamadym, súıdim, ardaqtadym. Men ony qorǵadym, ol meni qorǵady. Men ony jan-tánimmen qorǵadym.
Erteń - osy joldyń aqyry. Biz birge jazǵan kitaptyń sońǵy betteri bul. Keýdemdi kernegen qýatty sezim tolǵandyryp barady.
Jańa jol bastalady. Jańa kitap. Jańa ómirge qadam basý qajet. Bul «ıÝventýs» úshin qajet. Ol kez kelgen fýtbolshydan da mańyzdy! Ol óz kitabynyń jańa betterin jaza bermek. Men ol kitaptyń sońy joq ekenine senemin. Óıtkeni «ıÝventýstyń» tamyrynda biregeı, teńdessiz, ǵalamat komandanyń qany aǵýda. «ıÝventýs» - mereıli otbasy. Ol - meniń otbasym. Ony «óz úıim» dep ataýdan sharshamaımyn. Óıtkeni ol maǵan baryn berdi. Onyń bergeni meniń eńbegimnen áldeqaıda mol boldy.
Jańa joldyń bastalary haq. Jańa kitap. Ol bastalýy tıis. Men bolashaqqa jańasha kózben qaraýǵa tıispin. Men ómirdiń «oıynnan tys» qalýdy qalamaıtyn adamdarǵa jasaıtyn jańa usynystaryn qabyldaımyn...», - dep jazdy fýtbolshy.
40 jastaǵy fýtbolshy keshe «Veronaǵa» qarsy «ıÝventýs» sapyndaǵy sońǵy kezdesýin ótkizdi. Ol «Parmadan» týrındik klýbqa 2001 jyly aýysqan. Ulttyq quramadaǵy karerasyn byltyr qarashada aıaqtady.
