Aty ańyzǵa aınalǵan avtosporttyń álemdik juldyzdary «Jibek joly» halyqaralyq rallı aıasynda Qazaqstanǵa keledi
ASTANA. QazAqparat - Aty ańyzǵa aınalǵan avtosport álemdik juldyzdary - Sebastıan Leb, Stefan Petransel men Sırıl Depre «Jibek joly» halyqaralyq rallı aıasynda Qazaqstanǵa keledi. Bul týraly búgin Ortalyq kommýnıkatsııalar qyzmetinde ótken brıfıngte «BI Group» Kompanııasy dırektorlar keńesiniń tóraǵasy, «Dakar Team Astana» rallı-reıd boıynsha birinshi qazaqstandyq komandanyń pıloty Aıdyn Raqymbaev málim etti.
Onyń aıtýynsha, «Jibek joly» jarysy birneshe márte ótkizilip keledi, alaıda onyń aýqymy bıylǵydaı eshqashan bolǵan emes. «Qazaqstanǵa alǵash ret «Dakar» jyl saıynǵy qurlyqaralyq rallı-marafon bóligi kelgeli jatyr. Oǵan álemniń barlyq tıtýldy komandalary, atap aıtqanda Peugeot, Mini, Toyota sekildi zamanaýı avtoónerkásip ókilderi atsalysyp, olar Qazaqstandy basyp ótedi, Astanaǵa da soǵady. Olardyń arasynda planetanyń eń tıtýldy shabandozy Sebastıan Lebty, álemniń 13 dúrkin chempıony Stefan Petranseldi, eń tıtýldy «dakarlyq» Sırıl Depreni jáne basqalaryn atýǵa bolady. Avtosporttyń aty ańyzǵa aınalǵan qazirgi juldyzdarynyń bári elimizge keledi», - dedi A.Raqymbaev.
Onyń sózine qaraǵanda, áıgili «Dakar» jarysynyń ózi 9 300 shaqyrymdy qurasa, «Jibek joly»- «Shelkovyı pýt» rallıi 10 800 shaqyrymnan asady. Al rallı-marafonnyń ashylýyna Reseı, Qazaqstan men Qytaı basshylary qatysady dep kútiledi. Sonymen qatar, Qazaqstanǵa osy áıgili dodany túsirý úshin shildeniń 12-sinde «Eurosport» pen «CNN» telearnalarynyń túsirý toptary da keledi.
Qazaqstan aýmaǵynda «Jibek joly» rallıi 15 kezeńiniń 4-eýi ótpek. Qatysýshylar elimizdiń 3 myń shaqyrymyn basyp ótetin bolady.
Rallı máresi 8-shilde kúni Máskeýdiń Qyzyl alańynda ashylyp, shabandozdar ol jerden Qazanǵa qaraı bet alady. Odan keıin ekıpajdar Ýfaǵa, Bashqurtstanǵa, sosyn Qazaqstanǵa ótedi.
«Qazaqstan aýmaǵyna shildeniń 11-ine kirgennen soń komandalar Qostanaıǵa soǵady, Astanaǵa kelip, keıinnen Balqashta túneıtin bolady. 14 shildede olar Almatyǵa jetip, sonda tynyǵady. Al 16 shildede Qazaqstan shekarasynan ótip, Tıan-Shan jotalary arqyly Qytaıǵa ótedi. Sońǵy kezeńderde Qytaıdyń kóne Jibek joly oazısterin aralaı otyryp, Dýnhýan men Tszıaıýıgýanǵa, ary qaraı Alashan-ıÝtsı qumdarynan asady. Sońǵy 15-i kezeńde shildeniń 24-inde soltústik Qytaıdyń Hýh-Hoto aımaǵyna jetedi», - dedi A. Raqymbaev.
