ATÝ-da Almaly aýdandyq ІІB-nyń №4-shi ýchaskelik polıtsııa bólimshesi ashyldy
ALMATY. Qazannyń 14-i. QazAqparat /Erbol Turymbetov/ - Búgin Almaty tehnologııalyq ýnıversıtetiniń rektory Quralbek Qulajanov pen Almaly aýdany ákimi Marat Pirinbekov ýnıversıtet aýmaǵynda ashylǵan jańa polıtsııa bólimshesiniń lentasyn qıdy.
«Bul aýmaqta ATÝ-men birge, Ál-Farabı atyndaǵy QazUÝ jáne Bank isi akademııasynyń oqý ǵımarattary men jataqhanalarynyń 2 myńnan astam stýdenti bar. Búgingi ashylyp otyrǵan polıtsııa tirek bólimshesi osy stýdentterdiń qaýipsizdigi men tynyshtyǵyn qamtamasyz etip, tártipterin qadaǵalap otyrady dep senim bildiremiz», dedi ýnıversıtettiń tárbıe isi jónindegi prorektory Qaltaı Batholdın.
