Attraktsıonda jaraqat alǵan qyzylordalyqtyń jaǵdaıy aýyr
QYZYLORDA. KAZINFORM – Qyzylorda qalasyndaǵy saıabaqtardyń birinde aıaǵy attraktsıonǵa qysylyp qalǵan 18 jastaǵy bozbalanyń jaǵdaıy belgili boldy.
Oblystyq kópbeıindi aýrýhananyń málimetinshe, patsıent qos aıaǵynan aıyryldy.
- Ota jasaldy. Sol jaq sanynyń úshten bir bóligine jáne sol aıaǵynyń tobyq bóligine ampýatatsııa jasaldy. Aýyr jaraqat alǵan ol jansaqtaý bóliminde qarqyndy em qabyldap jatyr, - dedi aýrýhananyń bas dárigeri Jasulan Baımahanov.
Dárigerler emdelýshiniń densaýlyq jaǵdaıy óte aýyr ekenin aıtyp otyr.
Buǵan deıin oblystyq polıtsııa departamenti demalys ornynyń ústinen eńbekti qorǵaý qaǵıdalaryn buzý deregi boıynsha polıtsııa qylmystyq is qozǵaǵanyn habarlamany edik.
