Attraktsıondar saıabaǵynda qyz bala jeti metr bıiktikten qulady
ASTANA. QazAqparat - Nıý-Iork mańyndaǵy oıyn-saýyq saıabaǵynda 14 jastaǵy qyz bala attraktsıonnan qulap ketti, dep habarlaıdy QazAqparat «RIA Jańalyqtar» agenttigine silteme jasap.
Kýágerler oqıǵany vıdeoǵa túsirip alǵan. «Balany astynan qaǵyp alý úshin jınalǵan adamdarǵa jáne kedergi jasap turǵan butaqtardy alyp tastaý úshin aǵashqa shyqqan er adamǵa alǵys aıtamyz», - dep jazdy rolıkti óz paraqshasynda jarııalaǵan Facebook paıdalanýshysy Loren Lent .
Saıabaqqa kelgen adamdar men onyń qyzmetkerleriniń arqasynda Delıver shtatynda turatyn 14 jastaǵy qyz bala jeti metrden astam bıiktikten qulaǵannan keıin aýyr jaraqattar alǵan joq. Attraktsıonǵa jaýap beretin kompanııa ókilderi onyń jumysynda kinárat bolmaǵanyn atap ótken.
