Attraktsıondar parkinde adamdar toly sholý dóńgeleginiń kabınasy aýdaryldy
ASTANA. QazAqparat - Indonezııadaǵy attraktsıondar parkiniń birinde ishinde adamdar otyrǵan sholý dóńgeleginiń kabınasy aýdarylyp ketti, dep habarlaıdy QazAqparat.
Oqıǵa Djakarta qalasynda Sekaten Night Market jármeńkesinde bolǵan, dep jazady The Telegraph.
Aýdarylǵan kabınadan anasy men balasy qulap ketken. Aqaýy bar attraktsıonda qalyp qoıǵan taǵy birneshe adam qutqarýshylardy kútpeı-aq, sholý dóńgeleginiń qurylymynan ustap túse bastaǵan.
Kýágerdiń aıtýynsha, dóńgelek kenetten basqa baǵytqa aınalǵan.
Oqıǵadan eshkim zardap shekken joq. Apatty kabınada qalyp qoıǵan ózge adamdardy park qyzmetkerleri men qutqarýshylar jerge túsirgen.
