Attraktsıondaǵy oqys oqıǵadan 1 adam mert boldy
ASTANA. QazAqparat -Amerıkanyń Ogaıo shtatynda jármeńkede attraktsıonnyń buzylýy saldarynan bir adam mert bolyp, bes adam aýyr jaraqattandy, dep habarlaıdy NBC4i telearnasy.
Oqıǵa jármeńkeniń ashylýy kúni boldy. Polıtsııa qyzmetkeri Stıv Martın telearnaǵa bergen suhbatynda attraktsıon oryndyqtarynyń bireýi «úzilip» ketkenin málim etti.
Buǵan qosa, jármeńke uıymdastyrýshylary Twitter-degi paraqshasynda tekserý jumystary júrgizilip jatqandyǵyn jazdy.
Jergilikti bılik oqıǵa saldarynan 18 jastaǵy jetkinshek qaza tapqanyn habarlady.
Attraktsıon jumysy ýaqytsha toqtatyldy.
