Attestattaýdyń qorytyndysy boıynsha Astana ІІD-niń 115 qyzmetkeri jumystan shyǵarylýǵa, 124-i qyzmetin tómendetýge usynyldy
ASTANA. 24 qazan. QazAqparat - Astana qalasynyń ishki ister departamenti quqyq qorǵaý organdarynyń qyzmetkerleri tapsyrǵan kezekten tys attestattaýdyń qorytyndysyn jarııalady.
Bul týraly vedomstvonyń baspasóz qyzmeti habarlady.
Astanalyq ishki ister departamentiniń basshysy, polıtsııa general-maıory Amantaı Áýbákirovtyń sózine qaraǵanda, óńirlik attestatsııa komıssııasynyń sheshimi boıynsha 115 qyzmetker jumystan shyǵarylýǵa, 124-i qyzmetin tómendetýge usynyldy. Astanalyq polıtsııa qurylymynyń qyzmetkerleriniń 76,7 paıyzy qyzmetine laıyq dep tanyldy, 4,05 paıyzy kadr rezervine esepke qoıýǵa nemese qyzmetin joǵarylatýǵa usynyldy. Qyzmetkerlerdiń 10,1 paıyzy basqa qyzmetke aýystyrylýǵa usynyldy.
