Attestattaýdyń aralyq qorytyndysy: úsh oblystyń 35 polıtseıiniń laýazymdary tómendetiledi

17-23 shilde aralyǵynda attestattaýdan Astana qalasy, Qostanaı, Pavlodar jáne Soltústik-Qazaqstan oblystarynyń ishki ister organdary men ІІM qylmystyq atqarý júıesiniń qyzmetkerleri ótti.

QR ІІM baspasóz qyzmetiniń habarlaýynsha, Astana qalasy boıynsha 87 qyzmetker attestattaýdan ótti. 2 qyzmetker joǵary turǵan laýazymǵa usynyldy, 67 qyzmetker óz laýazymdaryna sáıkes keletindikterin kórsetse, 11 qyzmetker laýazymynan tómendetildi, 6-aýy basqa qyzmetke aýystyrylyp, 1 qyzmetker ishki ister organdarynan shyǵaryldy.

Qostanaı oblysy boıynsha 136 qyzmetker attestattaýdan ótti, onyń 7-ýi joǵary turǵan laýazymǵa usynyldy, 93 qyzmetker laýazymyna sáıkes, al 14 qyzmetker laýazymynan tómendetilip, 11-ine basqa qyzmetke aýysý usynyldy, sondaı-aq 11 qyzmetker ІІO-nan qyzmetten shyǵaryldy.

ІІD-degi 3 basqarma bastyqtarynyń  orynbasarlary, 3 AІІB bastyqtary qyzmetterinen tómendetýge usynyldy. ІІD basqarma bastyǵyna jáne basqarma bastyǵynyń orynbasaryna basqa qyzmetke aýysý usynyldy. Oblystyq ІІD  Basqarma bastyǵynyń orynbasaryna jumystan shyǵý uıǵaryldy.

Pavlodar oblysy boıynsha 116 qyzmetker attestattaýdan ótti, onyń ishinde 105-i laýazymyna laıyqty, 7-ýin qyzmettik laýazymdarynan tómendetý usynyldy, 4-ýi basqa qyzmetke aýystyryldy. ІІD Basqarma bastyǵy orynbasarynyń jáne  aýdandyq ІІB 2 basshysynyń qyzmeti tómendetildi. Qylmystyq atqarý júıesi kolledji bastyǵynyń orynbasaryna  basqa qyzmetke aýysý usynyldy.

Soltústik Qazaqstan oblysy boıynsha attestattaýdan 81 qyzmetker ótti. Onyń 3-ýine joǵary laýazym usynyldy, 65 qyzmetker laýazymdaryna laıyq, 4 qyzmetker laýazymdarynan tómendetildi, 6 qyzmetker basqa qyzmetke aýystyryldy, 3-ýi ІІO-nan qyzmetten shyǵaryldy.

Qalalyq ІІB bastyǵy orynbasarynyń laýazymy tómendetildi. ІІD Basqarma bastyǵyna jáne oblystyq kúzet qyzmetiniń bólim bastyǵyna basqa qyzmetke aýysý usynyldy.