Attestattaýdan ótpegen qarjy polıtsııasy quqyq qorǵaý organdaryna jumysqa qabyldanbaıdy

Bul týraly búgin QR Ekonomıkalyq qylmysqa jáne sybaılas jemqorlyqqa qarsy kúres agenttiginde ótken brıfıng barysynda resmı ókili Murat Jumanbaı málim etti.

Resım ókildiń aıtýyna qaraǵanda, joǵary attestattaý komıssııasynda synaqtan ótetin qarjy polıtsııasy qyzmetkerlerin zańnamany bilýin tekserýge arnalǵan testileý QR Memlekettik qyzmet isteri jónindegi agenttikte 5 normatıvtik quqyqtyq akti boıynsha júrgiziledi. Atap aıtqanda qarjy polıtsııasy QR Konstıtýtsııasyn, QR-nyń «Sybaılas jemqorlyqqa qarsy kúres týraly», «Quqyq qorǵaý qyzmeti týraly», «Qarjy polıtsııasy organdary týraly» Zańdaryn jáne Memleket basshysynyń 2005 jylǵy 3 mamyrdaǵy «Qazaqstan Respýblıkasy memlekettik qyzmetshileriniń ar-ojdan kodeksi týraly» Jarlyǵyn egjeı-tegjeıli biliýleri qajet.

«Sonymen birge qyzmetkerler logıkalyq oılaý qabiletin tekseretin test tapsyratyn bolady. Atalǵan qyzmetkerlerdiń dene shynyqtyrý, áskerı jáne qyzmettik daıyndyq normatıvterin tapsyrýy «Alataý» sport kesheninde ótkiziledi», - dedi ol.

Sonymen qatar M.Jumanbaıdyń aıtýynsha, qyzmetkerlerdiń psıhologııalyq turaqtylyǵyn tekseretin suhbattasý «Astana» medıtsınalyq ýnıversıtetinde Densaýlyq saqtaý mınıstrliginiń mamandarymen júrgizilmek.