Attestattaý nátıjesinde batys óńirdegi 4 oblystan 13 qyzmetker jumystan bosatyldy - ІІM
ASTANA. 8 tamyz. QazAqparat - Quqyq qorǵaý organy qyzmetkerleri arasyndaǵy kezekten tys attestattaýdyń ekinshi kezeńi jalǵasýda.
Bul rette attestattaýdan Іshki ister departamenti qyzmetiniń basshylary, qalalyq, aýdandyq organdardyń bastyqtary, oqý oryndarynyń basshy quramy, qylmystyq-atqarý júıesi mekemeleriniń bastyqtary, ózindik qaýipsizdik jáne esirtki bıznesine qarsy kúres bólinisteriniń jeke quramy, kúzet bólinisteriniń basshylary ótti. Bul týraly búgin ІІM ótken brıfıng barysynda málim boldy.
Atap aıtqanda, Aqtóbe oblysy boıynsha - attestattaýdan 109 qyzmetker ótken. Attestattaý komıssııasy 90 qyzmetkerdi laýazymyna laıyqty dep tanyp, 8 adamnyń laýazymdaryn tómendetti jáne 8 qyzmetkerge basqa qyzmetke aýysý usynylyp, 3 qyzmetker ІІO-dan qyzmetten shyǵaryldy.
Al Batys Qazaqstan oblysy boıynsha attestattaýǵa 90 qyzmetker qatysqan. Olardyń ishinde 85 adam attesttaýdan ótti. ІІO-nan qyzmetten shyǵýyna baılanysty 5 qyzmetker attestattaýǵa qatysqan joq. Attestattaý nátıjesi boıynsha 3 qyzmetker joǵary turǵan laýazymǵa usynylyp, kerisinshe 2-ýi qyzmetinen tómendetildi jáne 5-ýi basqa qyzmetke aýystyryldy, al 1 qyzmetkerge ІІO-nan qyzmetten shyǵarý usynyldy.
Mańǵystaý oblysy boıynsha attestattaýǵa 69 qyzmetker qatysqan. Onyń nátıjesi boıynsha 1 qyzmetker joǵary turǵan laýazymǵa usynyldy. 48 qyzmetker laýazymdaryna laıyqty dep tanyldy, 10-y qyzmetinen tómendetildi jáne 6-ýy basqa qyzmetke aýystyryldy, al 4 qyzmetkerge ІІO-nan qyzmetten shyǵarý usynyldy.
Atyraý oblysy boıynsha attestattaýǵa 80 qyzmetker qatysty. ІІO-nan qyzmetten shyǵýyna baılanysty 2 qyzmetker attestattaýǵa qatysqan joq. Attestattaý nátıjesi boıynsha 2 qyzmetker joǵary turǵan laýazymǵa usynyldy, 69 qyzmetker laýazymdaryna laıyqty dep tanyldy, 3-ýi qyzmetinen tómendetildi jáne 2-ýi basqa qyzmetke aýystyryldy, al 5 qyzmetkerdi ІІO-nan qyzmetten shyǵarý usynyldy.
