Attestattaý quqyq qorǵaý salasy qyzmetkerleriniń biliktiligin arttyrary sózsiz - Sh.Aıtqalıev, BQO

Sol basym baǵyttyń biri - sot jáne quqyq qorǵaý júıelerin jańǵyrtý. Osyǵan oraı quqyq qorǵaý jáne arnaýly qurylymdardy sapaly kadrlyq jańartýǵa qatysty bıylǵy jyldyń sońyna deıin barlyq jeke quramdy attestattaýdan ótkizý mindettelip otyr. Bul jóninde Oral qalalyq ishki ister basqarmasynyń bastyǵy, polıtsııa polkovnıgi Shadııar Aıtqalıev óz oıyn bylaısha bildirdi.

Onyń aıtýynsha, Elbasy Jarlyǵyna sáı­kes kadr biliktiligin artty­rý barysynda jeke quram­dy jańartyp-jańǵyrtýǵa qatysty árbir quqyq qor­ǵaý qyzmetkeri psıhologııa­lyq-moraldyq turaqty­lyq­pen qatar, dene shy­­nyq­tyrý daıyndyǵy, zań­namalardy, qyzmettik ere­­jelerdi, ishki ister mınıstr­liginiń buıryqtaryn bilýge, olar­dy kásibı turǵyda oryndaýǵa mindetti. Osyǵan oraı Oral qalalyq ishki ister basqarmasynda aldaǵy at­-
testattaýǵa tyńǵylyqty daıyndyq júrgi­zilýde. Bas­qarma boıynsha attestat­taýǵa bala kútimi kezindegi demalystaǵy, shetelde qyz­met babymen oqý­daǵy jáne eńbek joly bir jylǵa tolmaǵan qyzmetker­lerden basqa túgel derlik jeke quram qatysady.

Attestattaý óz kezeginde quqyq qorǵaý qyzmet­kerleriniń sapasyn arttyryp, bilimi men kásibı biliktiligin anyqtaıtyn bo­lady. Quqyq qorǵaý qyz­met­keri bıik adamgershilik pen kásibı biliktilikti ush­tastyra bilse, sybaılas jemqorlyqqa, tártip buzýshylyqqa, qyzmet babyn asyra paıdalanýǵa jol bermesi anyq.

Memleket basshysy «Pa­raqorlardy anyqtaý já­ne olardy sotqa tartý jetkiliksiz, sybaılas jem­qorlyqpen kúrestiń ja­ńa strategııasyn jasaý - búgingi kúnniń kezek kúttirmeıtin talaby men qajettiligi. Sybaılas jem­qorlyqpen kúres baǵytyn­da jańa quqyqtyq múm­kindikterdi keńinen paıdalaný kerek» degen bola­tyn. Sondaı-aq memlekettik qyz­metkerlerdiń kiristeri ǵana emes, shyǵystaryna da qatysty maǵlumdaýǵa kóshý kerektigi týraly Úkimetke tapsyrma berdi. Osyǵan oraı Oral qalalyq ІІB qyzmetkerleri arasynda jeke quramnyń kiristeri men menshigine qatysty maǵ­lumdama alyndy. Bul - óz kezeginde sybaılas jem­qorlyqqa jol bermeý jáne onyń aldyn alýdyń bir tetigi.

«Attestattaý, saıyp kelgende, sandyq kórsetkish emes, jumys sapasy bolyp tabylady. Qazaqstan polıtsııasynyń 20 jyldyǵy qarsańynda attestattaý bi­liktiligimizdi baǵalap qana qoımaı, halyqtyń polıtsııa qyzmetkerlerine degen oń kózqarasyn qalyp­tastyryp, halyqaralyq ta­­laptarǵa saı jańa júıe­ge kóshetinine senemiz», dedi Sh.Aıtqalıev.