Attestattaý kezinde 100-den astam qyzmetkerge qatysty bedelin túsiretin materıaldar eskerildi
ASTANA. 24 jeltoqsan. QazAqparat - BAQ jáne ınternet-resýrstaryn monıtorıngteý negizinde 103 qyzmetkerge qatysty 185 bedelin túsiretin materıal tirkelgen. Olardyń barlyǵy attestattaý kezinde eskerildi.
Bul týraly búgin Aqordada QR Prezıdenti Ákimshiliginiń quqyq qorǵaý júıesi bóliminiń meńgerýshisi Alık Sh|pekbaev málim etti.
«Kezekten tys attestattaýdy ótkizýdiń aıqyndylyǵyn qamtamasyz etý maqsatynda, Memleket basshysynyń resmı saıtynda arnaıy bólim ashyldy, oǵan attestattalatyn adamdardyń sybaılas jemqorlyq jáne ózge quqyq buzýshylyqtardy jasaǵany, sondaı-aq olardyń qyzmettik etıka normalaryn saqtamaý faktileri týraly 115 habarlama kelip tústi», - dep atap ótti A.Shpekbaev.
Onyń aıtýynsha, budan basqa, attestattalatyn qyzmetkerlerge qatysty tekserý is-sharalaryn 8 memlekettik organ júzege asyrǵan. Olardyń úshten bir bóliginen artyǵy sot organdaryna berilgen (35%), olardyń sheshimimen 4 qyzmetkerdiń konstıtýtsııalyq quqyqtary qalpyna keltirildi.
