Attestattaý: Іshki ister organdaryndaǵy birneshe laýazymdy tulǵanyń basyna bult úıirildi
ASTANA. 18 shilde. QazAqparat - Attestattaýdyń búgingi nátıjesi kórsetip otyrǵandaı, ishki ister organdarynyń biraz basshylary jumystan bosatylady.
Bul týraly búgingi baspasóz máslıhatynda QR Іshki ister mınıstrligi Memlekettik til jáne aqparat departamenti bastyǵynyń orynbasary Baqyt Ómirseıitov málim etti.
Atap aıtqanda, Qaraǵandy oblysy boıynsha 33 laýazymdy tulǵany jumystan bosatýǵa, al 22-sin ishki ister organdarynan shyǵarýǵa usynys berildi. Sondaı-aq Esirtki bıznesine qarsy kúres basqarma bastyǵynyń orynbasary, Jezqazǵan qalasy Mamandandyrylǵan kúzet qyzmeti basqarma bastyǵynyń orynbasary, Abaı aýdany Іshki ister basqarmasynyń jáne ІІM Qaraǵandy áskerı-tergeý basqarmasynyń Prıozerski bólim bastyqtary - laýazymdarynan tómendetýge usynyldy. Qaraǵandy qalasy Іshki ister basqarmasy bastyǵynyń orynbasary basqa qyzmetke aýysýǵa usynyldy, kóshi-qon polıtsııasy basqarma bastyǵynyń orynbasary jáne ІІM Qaraǵandy akademııasynyń qylmystyq is júrgizý kafedrasynyń bastyǵy ishki ister organdarynan shyǵarylýǵa usynyldy.
Aqmola oblysy boıynsha 16 laýazymdy tulǵany jumystan bosatýǵa, al 6 qyzmetkerdi ishki ister organdarynan shyǵarýǵa usynys jasaldy. Onyń ishinde Jedel krımınalıstıkalyq basqarma bastyǵy men Jol polıtsııasy basqarma bastyǵynyń orynbasary bar. Jol polıtsııasy basqarmasy tirkeý-emtıhan jumysy bóliminiń bastyǵyna basqa qyzmetke aýysý usynyldy. Qylmystyq atqarý júıesi departamenti mekemesiniń bastyǵy jáne Mamandandyrylǵan kúzet qyzmeti baqarmasy bastyǵynyń eki orynbasary, Stepnogorski qalasy Іshki ister basqarma bastyǵynyń orynbasary laýazymdarynan tómendetýge usynyldy.
Almaty qalasy boıynsha 48 laýazymdy tulǵany jumystan bosatýǵa, al 5-ýin ishki ister organdarynan shyǵarýǵa usynys berildi. ІІM Oqý ortalyǵy (Almaty q.) bastyǵynyń oqý jumysy boıynsha orynbasary, Krımınaldyq polıtsııa basqarma bastyǵy, Patrýldik polıtsııa polk komandıri, Esirtki bıznesine qarsy kúres basqarma bastyǵy men onyń orynbasary laýazymdarynan tómendetýge usynyldy. ІІM Almaty akademııasy zań ınstıtýty jedel-izdestirý qyzmeti kafedrasynyń bastyǵy, ІІM Almaty áskerı-tergeý basqarma bastyǵynyń eki orynbasary basqa qyzmetke aýysýǵa usynyldy. Almaty qalasy ІІD Jol polıtsııasy basqarmasynyń bastyǵy, ІІM Oqý ortalyǵynyń (Almaty q.) kadr jumysy jónindegi orynbasary ishki ister organdarynan shyǵarylýǵa usynyldy.
Almaty oblysy boıynsha 33 laýazymdy tulǵany jumystan bosatýǵa, al 28-in ishki ister organynan shyǵarýǵa usynys jasaldy. Oblys ІІD Uıymdasqan qylmysqa qarsy kúres, ekstremızmge qarsy kúres, ákimshilik polıtsııa basqarmalarynyń bastyqtary, jol polıtsııasy, kadr jumysy basqarma bastyqtarynyń orynbasarlary, Kerbulaq aýdany ІІO bastyǵy, Almaty oblysy Mamandandyrylǵan kúzet qyzmeti basqarma bastyǵynyń orynbasary, ІІM Taldyqorǵan áskerı-tergeý basqarma bastyǵynyń orynbasary laýazymdarynan tómendetýe usynyldy. Oblys ІІD kadr jumysy, ózindik qaýipsizdik, Almaty oblysy mamandandyrylǵan kúzet qyzmeti basqarmalar bastyqtary, jol polıtsııasy basqarma bastyǵynyń orynbasary ishki ister organdarynan shyǵarylýǵa usynyldy.
Al Kóliktegi ishki ister departamenti boıynsha 6 adamdy bosatýǵa jáne 3 laýazymdy tulǵany ishki ister organdarynyń qatarynan shyǵarý jónindegi usynys jasaldy. Ekstremızmge qarsy kúres basqarma bastyǵy laýazymynan tómendetýge, kásibı jáne psıhologııalyq uıymdastyrý bóliminiń bastyǵy, sondaı-aq birqatar jedel bólinis qyzmetkerleri basqa laýazymǵa aýysýǵa usynyldy. Ekinshi arnaıy basqarma bastyǵy ishki ister organynan shyǵarylýǵa usynyldy.
