Attestatattaý nátıjesinde qarjy polıtsııasy organdarynyń joǵarǵy basshylyq quramy 85 paıyzǵa jańardy
ASTANA. 10 tamyz. QazAqparat - Búgin Ekonomıkalyq qylmysqa jáne sybaılas jemqorlyqqa qarsy kúres agenttiginiń tóraǵasy Rashıd Túsipbekov vedomstvonyń alqa jıynyn ótkizip, onyń barysynda aldaǵy kezeńge mindetterdi belgiledi.
«2012 jyldyń 1-toqsanynda qarjy polıtsııasy organdarymen 5 125 qylmys tirkeldi, onyń ishinde 1 107 - sybaılas jemqorlyq, 3572 - ekonomıkalyq qylmystar. Qarjy polıtsııasy organdarymen tirkelgen qylmystar boıynsha keltirilgen zalal mólsheri 70 mlrd. teńgeni qurady, qazirgi tańda onyń 29 mlrd. teńgesi tergeý barysynda qaıtaryldy», - dep habarlady vedomstvonyń baspasóz qyzmetinen.
Vedomstvo basshysynyń atap ótýinshe, shaǵyn jáne orta bıznes qyzmetin tekserýlerdiń sanyn jáne qyzmetkerlerdiń kásipkerlik sýbektilerimen qatynastarynyń negizderin azaıtý boıynsha qabyldanǵan uıymdastyrýshylyq sharalardyń nátıjesinde bızneske jasalatyn qysym deńgeıi aıtarlyqtaı tómendetildi. Jasalǵan qylmystyń naqty belgileri joq jaǵdaıda bıznesti tekserýdiń derekterine qatań tıym salynady.
R.Túsipbekov Sybaılas jemqorlyqqa qarsy turý jónindegi salalarlyq baǵdarlamaǵa engizilgen ózgertýlerge sáıkes «Qarjy polıtsııasy organdary týraly», «Ákimshilik protsedýralary týraly» zańdardyń jańa redaktsııadaǵy jobalary jasalatyndyǵyn jáne «Sybaılas jemqorlyqqa qarsy kúres týraly» zańyna ózgerister men tolyqtyrýlardyń engiziletindigin atap ótti.
Quqyq shyǵarmashylyq qyzmet sheńberinde memlekettik organdardy memlekettik satyp alýlardyń jeńimpazy týraly maǵlumatty satyp alý júrgizilgen somany kórsete otyryp, saıttarda ornalastyrýǵa mindetteıtin ózgertýlerdi engizý usynyldy. Bul jurtshylyqqa satyp alynǵan taýarlar men qyzmetterdiń olardyń naryqtyq baǵalarymen salystyrýǵa múmkindik beredi. Oǵan qosa, memlekettik satyp alýlar salasynda ashyqtyqty qamtamasyz etý úshin tenderlerdiń jeńimpazdarymen alynǵan memleket qarajatynyń qozǵalysy týraly aqparatty jalpyǵa qol jetimdi qylýǵa usynyldy.
R.Túsipbekov: «Kommertsııalyq uıymdar, eger olar bıýdjet qarajatyna jumys istegileri kelse, ózderiniń qarjylyq-sharýashylyq qyzmetin tolyǵymen ashýy qajettigin túsiný kerek» - dep aıtty. Sonymen birge, R.Túsipbekov azamattyq qoǵamnyń sýbektilerin keńinen qatystyra otyryp, sybaılas jemqorlyq jáne ekonomıkalyq qylmystardyń aldyn-alýǵa baǵyttalǵan profılaktıkalyq jumysty shıratýdy talap etti.
Alqa jıynynda aýmaqtyq attestattaý komıssııalarynyń otyrystaryn ótkizý men daıyndaý tártibi de talqylandy. Búgingi kúni Joǵarǵy attestatsııalaý komıssııasynan qarjy polıtsııasynyń 68 basshysy, ortalyq attestatsııalaý komıssııasynan - ortalyq apparattyń jáne qarjy polıtsııasynyń aýmaqtyq departamentteriniń 508 qyzmetkerleri ótti.
Attestatsııa bastalmas buryn jáne onyń nátıjesinde qarjy polıtsııasy organdarynyń joǵarǵy basshylyq quramy 85 paıyzǵa jáne qarjy polıtsııasynyń aýmaqtyq bólimsheleriniń basshylyq quramynyń orta býyny 27 paıyzǵa jańartyldy. Endigi kezekte aýmaqtyq attestatsııalaý komıssııalarynda vedomstvonyń 2450 qatardaǵy qyzmetkerleri attestatsııalaýdan ótedi.
Qarjy polıtsııasynyń tóraǵasy aýmaqtyq bólimsheleriniń basshylaryna attestataýshylardy suhbattasýdan ótkizý barysynda obektıvtilik pen qatańdylyqty qamtamasyz etýdi
