Attestatsııalaý qorytyndysy boıynsha Qaraǵandy oblysynda qarjy polıtsııasynyń 8 qyzmetkeri jumystan shyǵarylady
QARAǴANDY. 25 tamyz. QazAqparat - Qaraǵandy oblysy boıynsha ekonomıkalyq qylmysqa jáne sybaılas jemqorlyqqa qarsy kúres departamentinde (qarjy polıtsııasy) qyzmetkerlerdiń kezekten tys attestatsııalanýy aıaqtaldy.
Onyń qorytyndylary týraly qarjy polıtsııasy departamenti kadrlar bóliminiń bastyǵy Sergeı Kýdın habarlady.
«Joǵary attestattaý komıssııasy oblys departamentiniń bastyǵy jáne onyń úsh orynbasaryn attestattady. Ortalyq attestattaý komıssııasy 14 qyzmetkerdi attestattady - olar basqarma bastyqtary, agenttik nomenklatýrasy boıynsha ózindik bólimderdiń bastyqtary. Aımaqtyq attestattaý komıssııasynan 194 qyzmetker ótti. Olardyń 8-i áńgimelesýden sosyn ótedi, óıtkeni keıbiri emdelýde bolsa, keıbireýi issaparǵa ketken», - dep baıandady S.Kýdın.
Baspasóz qyzmetinde atap ótilgendeı, departamenttiń 8 qyzmetkeri attestattaýdan ótpeı, endi jumystan shyǵarylady, 22-niń qyzmeti tómendetiledi, 16 adam basqa qyzmetke aýystyrylady.
«Jumystan shyǵarylatyn 8 adam negizinen ınspektorlyq quramnyń qyzmetkerleri. Olardyń jasy - 30-40 jas aralyǵynda. Qarjy polıtsııasyndaǵy eńbek ótili - 2 jyldan 10 jylǵa deıin. Sebepter - jumystaǵy tómen kórsetkishter, keıbir jerde jemqorlyqqa jol bergen qyzmetkerlerdiń de bolýy múmkin. Áńgimelesý barysynda bul máseleler talqylandy jáne komıssııa olardy jumystan bosatý týraly sheshim qabyldady», - dep túsindirdi kadrlar bóliminiń bastyǵy.
Jezqazǵanda jumys isteıtin bir qyzmetker kerisinshe kadrlyq rezervke qyzmette joǵarylýy úshin usynyldy. «Ol burynnan beri jumys isteýde, tájirıbesi jetkilikti», - dep atap ótti kadrlar bóliminiń bastyǵy.
