Attan qulap, mertikken aqtóbelik sot arqyly 12 mln teńge óndirip aldy
AQTÓBE. KAZINFORM – Aqtóbelikke birneshe ret ota jasaldy. Keıin oǵan ІІ top múgedektigi berildi. Zardap shekken qala turǵyny sot arqyly materıaldyq jáne moraldyq shyǵyndy óndirip aldy.
Aqtóbe qalasynyń №3 sotynda qaýipsizdik talaptary saqtalmaǵan demalys ornyna qatysty is qaraldy. Talap qoıýshy atqa minip, serýendegen. Sol kezde qulap, aýyr jaralandy.
- Talap qoıýshy aýrýhanaǵa túskenin, nátıjesinde ІІ top múgedektigin alǵanyn kórsetip, eki jaýapkerlerden ortaq tártipte materıaldyq shyǵyn, moraldyq zalaldy óndirý týraly aryz jazdy. Іsti qaraý barysynda atpen serýendeý qyzmetin kórsetken jaýapkerdiń tehnıkalyq qaýipsizdikti saqtaý sharalaryn qamtamasyz etpegeni anyqtaldy. Jaýapkerden 2 270 098 teńge materıaldyq shyǵyn, 10 000 000 teńge moraldyq zalal óndirildi, - dep habarlady Aqtóbe qalasynyń №3 sotynyń baspasóz qyzmeti.
Aıta keteıik, Aqtóbede bıyl 14 kámeletke tolmaǵan bala sottaldy. Kámeletke tolmaǵandardyń isteri jónindegi mamandandyrylǵan aýdanaralyq sotynda 25 is qaraldy. Oǵan 36 sottalýshy qatysty.
