«Attan»: Amantaı qajy kópirge jazý syzǵany úshin aıyppul arqalady
ALMATY. KAZINFORM — Elge erekshe urandarymen tanylǵan Amantaı qajy jańǵyrtýdan ótken Seıfýllın men Raıymbek batyr kósheleriniń qıylysyndaǵy kópirde «Attan» sózin jazǵan.
Onyń bul áreketin almatylyq turǵyn túsirip alyp, áleýmettik jelide jarııalady.
Almaty qalasynyń polıtsııa departamenti bul derek boıynsha qoldanystaǵy zańnama aıasynda qajetti sharalardy júrgizgenin habarlady.
— Quqyq buzýshy qalany abattandyrý erejelerin buzǵany úshin jaýapkershilikke tartylyp, onymen profılaktıkalyq áńgime ótkizildi. Qalamyzdyń kósheleriniń saqtalýy men tazalyǵy — barshamyzdyń ortaq mindetimiz ekenin eske salamyz. Biz birge áreket etý arqyly Almatynyń tazalyǵy men qaýipsizdigin qamtamasyz ete alamyz, — dep habarlady polıtsııadan.
Eske salaıyq, bıyl shilde aıynda Almaty polıtsııasy Amantaı qajy Asylbekke qatysty is qozǵaǵan bolatyn.