ATR tennısten jyldyń qorytyndy jarysyn Londonda uıymdastyrady
NUR-SULTAN. QazAqparat - ATR jyldyń qorytyndy týrnırin Londonda ótkizedi, dep habarlaıdy Olympic.kz.
Atalǵan elde koronavırýs indetine baılanysty jańa shekteýler engenine qaramastan, tennıs básekesi Ulybrıtanııada uıymdastyrylady.
«Ulybrıtanııa bıliginiń jańa shekteýlerine baılanysty, ATR jyldyń qorytyndy týrnırin Londonda, kórermensiz ótkizedi», - delingen habarlamada.
Aıta ketelik, Anglııada koronavırýs indetine baılanysty 5 qarasha men 2 jeltoqsan aralyǵynda qatań karantın engizbekshi. Al ATR qorytyndy týrnıri 15-22 qarashaǵa josparlanǵan.
Jarystyń qazirgi jeńimpazy – grekııalyq Stefanos Tsıtsıpas.
