ATR reıtıngi: Kýkýshkın TOP-100-degi ornyn saqtap qaldy
ASTANA. QazAqparat - Qazaqstandyq tennısshi Mıhaıl Kýkýshkın Kásipqoı tennısshiler qaýymdastyǵynyń (ATR) jańartylǵan reıtınginde 89-orynda tur, dep habarlaıdy «SPORTINFORM» SAA.
Qazaqstannyń birinshi raketkasynyń álemniń úzdik tennısshiler júzdigine kirgenine qaramastan, Kýkýshkınniń dınamıkasy tómen túsip barady. Qazaqstandyq ATR jańartylǵan reıtınginde 14 oryn joǵaltyp, 89-orynǵa túsken (638 upaı).
2018 jyly Mıhaıl Kýkýshkın ATR týrnırinde 3 ret jeńiske jetip, 2 ret jeńilip qalǵan edi. Ol 69,106 AQSh dollaryn tapsa, juptyq kezdesýdegi júldesin qosa eseptegende $77,719 alǵan.
Aıta keteıik, Mıhaıl Kýkýshkınniń ATR reıtıngindegi eń joǵarǵy pozıtsııasy 2015 jyldyń qazanynda 46-oryn bolǵan.
ATR reıtınginde Rafael Nadaldi jyljytqan Rodjer Federer kósh bastap tur. Shveıtsarlyq Rotterdamdaǵy týrnırde jeńiske jetip, 10105 upaıǵa ıe bolǵan 36 jastaǵy Federer ATR tarıhyndaǵy eń jasy úlken tennısshi atandy.
