Atomdyq jáne energetıkalyq qadaǵalaý men baqylaý komıteti quryldy
ASTANA. KAZINFORM – Energetıka mınıstri 2025 jylǵy 11 tamyzdaǵy buıryǵymen «Atomdyq jáne energetıkalyq qadaǵalaý men baqylaý komıteti» memlekettik mekemesiniń jáne onyń aýmaqtyq organdarynyń erejesine ózgerister engizdi.
– Memlekettik energetıkalyq qadaǵalaý jáne baqylaý komıteti – jylý energııasyn óndirý, tasymaldaý jáne ótkizý bóliginde elektr energetıkasy jáne jylý energetıkasy salasynda basshylyqty júzege asyratyn Energetıka mınıstrliginiń vedomstvosy, - delingen qujatta.
Komıtettiń quzyretine ne kiredi:
– memlekettik saıasatty iske asyrýǵa qatysady;
– retteý, iske asyrý jáne baqylaý-qadaǵalaý fýnktsııasyn júzege asyrady, sondaı-aq ortalyq atqarýshy organnyń strategııalyq quzyretin oryndaýǵa qatysady;
– jeke jáne zańdy tulǵalardyń qyzmetine baqylaý jáne qadaǵalaý júrgizedi;
– vedomstvonyń quzyretine jatatyn máseleler boıynsha jergilikti atqarýshy organdardyń qyzmetine baqylaý-qadaǵalaý fýnktsııasyn júzege asyrady;
– ruqsat berý rásimin júzege asyrady;
– memlekettik energetıkalyq baqylaýdy júzege asyrady.
Buıryq 2025 jylǵy 25 tamyzda kúshine enedi.
Aıta keteıik, Energetıka mınıstrligi elimizde benzın baǵasynyń kúrt ósýine jol berilmeıdi dep sendirip otyr.