Atom salasynda álemniń jetekshi joǵary oqý oryndaryna stýdentterge granttar bólinedi – Nurlan Noǵaev

NUR-SULTAN. QazAqparat – «Samuryq-Qazynamen» birge beıbit maqsattaǵy atomdy damytýǵa máseleleri zerdelenedi. Bul týraly Memleket basshysynyń Joldaýyndaǵy tapsyrmalardy oryndaýǵa arnalǵan Úkimet otyrysynda Energetıka mınıstri Nurlan Noǵaev aıtty, dep habarlaıdy QazAqparat tilshisi.

«Memleket basshysynyń tapsyrmasyn oryndaý úshin mınıstrlik «Samuryq-Qazyna» UÁQ» AQ-men birlesip, beıbit maqsattaǵy atomdy damytýǵa baılanysty máselelerdi zerdeleıtin bolady. Atom salasynda bilikti kadrlardy daıarlaý salasynda mınıstrlik múddeli memlekettik organdarmen jáne uıymdarmen birlesip, atom salasynyń mamandyqtary boıynsha álemniń jetekshi joǵary oqý oryndarynda stýdentterdi oqytýǵa granttar men stıpendııalar bólý jóninde jumys júrgizetin bolady», - dedi N. Noǵaev.

Onyń aıtýynsha, Qazaqstan Respýblıkasynda sýtegi energetıkasyn damytý maqsatynda Energetıka mınıstrligi sýtegi energetıkasyn damytýdyń negizgi tásilderin aıqyndaıtyn bolady.

Budan buryn habarlanǵandaı, Nurlan Noǵaev 2025 jylǵa qaraı 182 jańartylatyn energııa nysany iske qosylatynyn aıtty.