Atom salasynyń mamandary joǵary memlekettik nagradalarmen marapattaldy
ASTANA. KAZINFORM - Memleket basshysynyń Jarlyǵyna sáıkes, Astanada ótken Eýrazııalyq ekonomıkalyq forýmdy joǵary deńgeıde ótkizýge qosqan zor úlesi, sondaı-aq eldiń ulttyq qaýipsizdigi men qorǵanys qabiletin qamtamasyz etý, zańdylyq pen quqyqtyq tártipti nyǵaıtý jolyndaǵy eńbegi úshin birqatar maman «Eren eńbegi úshin» memlekettik medalimen marapattaldy.
Joǵary memlekettik nagradaǵa ıe bolǵandar:
• Bıbigúl Esilbaıqyzy Baıǵazına – «Qazaqstandyq atom elektr stantsııalary» JShS top jetekshisi;
• Álıdar Baǵlanuly Júnisbaev – Qazaqstan Respýblıkasy Atom energııasy agenttiginiń basqarma basshysy;
• Gúlden Sáken – «Qazaqstandyq atom elektr stantsııalary» JShS departament dırektory;
• Qanat Samatuly Tuıaqbaev – Qazaqstan Respýblıkasy Atom energııasy agenttiginiń basqarma basshysy.
Nagradalardy tabystaý barysynda basshylyq marapat ıeleriniń joǵary kásibıligin, jaýapkershiligin jáne atom salasyn damytýǵa, memlekettiń qaýipsizdigin qamtamasyz etýge, sondaı-aq mańyzdy memlekettik mindetterdi tabysty iske asyrýǵa qosqan eleýli úlesin erekshe atap ótti.
Memlekettik nagradalardyń tabystalýy mamandardyń eńbegi men kásibı jetistikterine berilgen joǵary memlekettik baǵanyń aıqyn kórinisi bolyp tabylady.
Osyǵan deıin elimizdiń beıbit atom boıynsha ǵylymı ınfraqurylymdy kúsheıtetini týraly jazdyq.
