Atom energııasy salasynda jeke kásipkerlik sýbektileriniń táýekel dárejesin baǵalaý ólshemderi bekitildi

* * *

BІRLESKEN BUIRYQ

Atom energııasy salasynda jeke kásipkerlik salasyndaǵy sýbektilerdiń táýekel dárejesin baǵalaý ólshemderin bekitý týraly

«Atom energııasyn paıdalaný týraly» Qazaqstan Respýblıkasynyń 1997 jylǵy 14 sáýirdegi Zańy 8-babynyń 11-tarmaǵyna jáne «Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasynyń 2011 jylǵy 6 qańtardaǵy Zańy 13-babynyń 3-tarmaǵyna sáıkes buıyramyz:

1. Qosa berilip otyrǵan Atom energııasy salasynda jeke kásipkerlik salasyndaǵy sýbektilerdiń táýekel dárejesin baǵalaý ólshemderi bekitilsin.

2. Qazaqstan Respýblıkasy Atom energııasy agenttiginiń Qaýipsizdik jónindegi ınspektorat-departamenti (A.A. Kım):

1) osy buıryqty Qazaqstan Respýblıkasynyń Ádilet mınıstrliginde memlekettik tirkelýin;

2) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýinen keıin kúntizbelik on kún ishinde resmı túrde jarııalanýǵa jiberilýin;

3) osy buıryqty Qazaqstan Respýblıkasy Atom energııasy agenttiginiń resmı ınternet-resýrsynda jarııalaýdy qamtamasyz etsin.

3. «Atom energııasy salasynda jeke kásipkerlik salasyndaǵy sýbektilerdiń táýekel dárejesin baǵalaý ólshemderin bekitý týraly» (Normatıvtik quqyqtyq aktilerdi memlekettik tirkeý tiziliminde № 7247 bolyp tirkelgen, 2011 jylǵy 27 qazanda №517 (26909) «Egemen Qazaqstan» gazetinde jarııalanǵan) Qazaqstan Respýblıkasy Indýstrııa jáne jańa tehnologııalar mınıstri mindetin atqarýshynyń 2011 jylǵy 15 qyrkúıektegi №322 jáne Qazaqstan Respýblıkasy Ekonomıkalyq damý jáne saýda mınıstri mindetin atqarýshynyń 2011 jylǵy 16 qyrkúıektegi №303 birlesken buıryǵynyń kúshi joıyldy dep tanylsyn.

4. Osy buıryqtyń oryndalýyn baqylaý Qazaqstan Respýblıkasy Atom energııasy agenttiginiń Qaýipsizdik jónindegi ınspektorat-departamentiniń dırektory A.A. Kımge júktelsin.

5. Osy buıryq alǵash resmı jarııalanǵan kúninen bastap qoldanysqa engiziledi.

Qazaqstan Respýblıkasy Atom energııasy agenttiginiń Qazaqstan Respýblıkasy Ekonomıkalyq damý jáne saýda
tóraǵasy T. Jantıkın. mınıstri E. Dosaev.

Atom energııasy salasynda jeke kásipkerlik salasyndaǵy

sýbektilerdiń táýekel dárejesin baǵalaý ólshemderi

1. Osy Atom energııasy salasynda jeke kásipkerlik salasyndaǵy sýbektilerdiń táýekel dárejesin baǵalaý ólshemderi (budan ári - Ólshemder) atom energııasyn paıdalanatyn qyzmetpen aınalysatyn uıymdardy (budan ári - atom energııasy salasynda jeke kásipkerlik salasyndaǵy sýbektiler) táýekel dárejesine jatqyzý maqsatynda «Atom energııasyn paıdalaný týraly» Qazaqstan Respýblıkasynyń 1997 jylǵy 14 sáýirdegi Zańy 8-babynyń 11-tarmaǵyna jáne «Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasynyń 2011 jylǵy 6 qańtardaǵy Zańy 13-babynyń 3-tarmaǵyna sáıkes ázirlendi.

2. Ólshemderde mynadaı negizgi uǵym paıdalanylady:

táýekel - atom energııasyn paıdalaný salasyndaǵy tekseriletin sýbektiniń qyzmeti nátıjesinde onyń saldarynyń aýyrlyq dárejesin eskere otyryp, adamnyń ómirine nemese densaýlyǵyna, qorshaǵan ortaǵa, jeke jáne zańdy tulǵalardyń zańdy múddelerine, memlekettiń múliktik múddelerine zııan keltirý yqtımaldyǵy.

3. Atom energııasy salasynda jeke kásipkerlik salasyndaǵy sýbektilerdiń táýekel dárejesin baǵalaý mynadaı ólshemderge negizdeledi: obektiniń yqtımal qaýip-qater boıynsha sanaty (radıatsııalyq jáne ıadrolyq);

paıdalanylatyn ıondaýshy sáýle kózderiniń qaýip-qater deńgeıi;

atom energııasyn paıdalaný salasynda júzege asyrylatyn jumystardyń radıatsııalyq qaýip-qater deńgeıi.

4. Atom energııasy salasynda jeke kásipkerlik salasyndaǵy sýbektiler táýekel dárejesine baılanysty joǵary, ortasha nemese bolmashy táýekel toptaryna bólinedi.

5. Joǵary táýekel tobyna ıadrolyq qondyrǵylardy (reaktorlyq qondyrǵylar, energetıkalyq reaktorlardyń ıadrolyq otyny úshin ýrannyń qos totyǵynan jasalǵan tabletkalar shyǵaratyn kásiporyndar) paıdalanatyn, paıdalanylǵan ıadrolyq otyndy tasymaldaýdy jáne uzaq ýaqyt saq­taýdy júzege asyratyn atom energııasy salasynda jeke kásipkerlik salasyndaǵy sýbektiler jatady.

6. Ortasha táýekel tobyna:

sáýle terapııasy úshin radıoızotopty ıondaýshy sáýle kózderin paıdalanatyn;

defektoskopııa júrgizý úshin radıoızotopty ıondaýshy sáýle kózderin paıdalanatyn;

radıoızotopty ıondaýshy sáýle kózderin óndirýdi júzege asyratyn;

ǵylymı-óndiristik qyzmet úshin qýatty ızotopty gamma-qondyrǵylardy paıdalanatyn;

uńǵymalarda geofızıkalyq zertteýler júrgizý úshin radıoızotopty ıondaýshy sáýle kózderin paıdalanatyn;

óz qyzmetinde ónerkásiptik radıoızotopty aspaptardy; medıtsınalyq ızotopty radıofarmpreparattardy paıdalanytyn;

radıoızotopty ıondaýshy sáýle kózderin tasymaldaýdy júzege asyratyn;

ıondaýshy sáýleni óndiretin qondyrǵylardy paıdalanatyn (zarıadtalǵan bólshekter údetkishi);

radıoaktıvtik qaldyqtardy uzaq ýaqyt saqtaýdy (kómý) júzege asyratyn;

quramynda radıoızotopty ıondaýshy sáýle kózderi bar jabdyqtarǵa tehnıkalyq qyzmet kórsetýdi, olardy montajdaýdy, zarıadtaýdy, qaıta zarıadtaýdy, jóndeýdi júzege asyratyn atom energııasy salasynda jeke kásipkerlik salasyndaǵy sýbektiler jatady.

7. Bolmashy táýekel tobyna:

defektoskopııa júrgizý úshin rentgen jabdyǵyn paıdalanatyn;

jabdyqty rentgentelevızııalyq tekserýdi paıdalanatyn;

rentgen jabdyqtaryn shyǵarýdy júzege asyratyn;

rentgen jabdyqtaryna tehnıkalyq qyzmet kórsetýdi, olardy montajdaýdy, bólshekteýdi, jóndeýdi júzege asyratyn;

ýran óndirýshi ónerkásipte qyzmetti júzege asyratyn;

radıatsııalyq ońaltýmen jáne aýmaqty qalpyna keltirýmen baılanysty qyzmetti júzege asyratyn;

tómen radıoaktıvti qaldyqtardy jınaý men suryptaýdy, belsendiligi tómen radıoaktıvti zattar men radıoaktıvti qaldyqtardy tasymaldaýdy júzege asyratyn;

ıondaýshy sáýle kózderi bar taldama jabdyqty (hromatograftar, rentgenflıýorestsenttik taldaǵyshtar, spektrometrler) paıdalanatyn;

atom energııasyn paıdalaný salasynda qyzmet usyný jónindegi qyzmetti júzege asyratyn;

radıoaktıvti materıaldar men radıoaktıvti qaldyqtar úshin kólik konteınerlerin, býyp-túıý jınaqtaryn shyǵarýdy júzege asyratyn;

júrgizilgen ıadrolyq jarylystardyń nátıjesinde lastanǵan burynǵy ıadrolyq synaq polıgon­da­rynyń aýmaǵynda jáne basqa aýmaqta qyzmetin júzege asyratyn;

ıadrolyq qondyrǵylar men ıadrolyq materıaldardy fızıkalyq qorǵaý jónindegi qyzmetti júzege asyratyn;

ıondaýshy sáýle kózderin ótkizýdi júzege asyrýdy uıymdastyratyn; atom energııasyn paıdalanýmen baılanysty qyzmetter úshin mamandar men personaldy arnaıy daıarlaıtyn qyzmetti júzege asyratyn atom energııasy salasynda jeke kásipkerlik salasyndaǵy sýbektiler jatady.

8. Atom energııasy salasynda jeke kásipkerlik salasyndaǵy sýbektiler úshin josparly tekserýler júrgizýdiń kezeńdiligi: joǵary táýekel dárejesi kezinde - jylyna bir retten; ortasha táýekel dárejesi kezinde - úsh jylda bir retten; bolmashy táýekel dárejesi kezinde - bes jylda bir retten jıi bolmaýy tıis.

Buıryq Qazaqstan Respýblıkasynyń Ádilet mınıstrliginde 2012 jylǵy 24 jeltoqsanda Normatıvtik quqyqtyq kelisimderdi memlekettik tirkeýdiń tizilimine №8217 bolyp engizildi.