Atom energııasy jónindegi agenttiktiń apparat basshysy taǵaıyndaldy

ASTANA. KAZINFORM — QR Prezıdentiniń Ákimshiligimen kelisim boıynsha Qýanysh Jumabekuly Asylov Qazaqstan Respýblıkasynyń Atom energııasy jónindegi agenttiginiń Apparat basshysy qyzmetine aýysty, dep habarlaıdy vedomstvonyń baspasóz qyzmeti.

Asylov Qýanysh Jumabekuly 1973 jylǵy 14 naýryzda Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin quqyq magıstri dárejesimen aıaqtaǵan.

Memlekettik basqarý salasynda úlken eńbek tájirıbesi bar. Birqatar vedomstvolardy basqarǵan, mınıstrlikterde, Esep komıtetinde, Prezıdenttiń Іs basqarmasy men Ákimshiliginde basshylyq laýazymdarda qyzmet atqarǵan.

2019–2023 jyldar aralyǵynda Qazaqstan Respýblıkasy Prezıdenti Ákimshiliginiń Memlekettik ınspektory laýazymynda jumys istedi.

Jańa qyzmetke taǵaıyndalǵanǵa deıin Shymkent qalasy ákiminiń birinshi orynbasary qyzmetin atqarǵan.

Budan buryn habarlanǵandaı, Qyzylorda oblysynyń sot ákimshiligi departamentine jańa basshy keldi.