Atom energetıkasyn qoldaný týraly zańnamany qabyldaýdaǵy basty maqsat qaýipsizdik sharalaryn kúsheıtý - Energetıka mınıstrligi
«Zań jobasynyń basty maqsaty atom energııasyn zamanaýı deńgeıde beıbit paıdalaný kezinde ratıfıkatsııalanǵan halyqaralyq qujattardyń talaptaryn oryndaý, halyqaralyq standarttarǵa sáıkes qaýipsizdiktiń tıisti deńgeıin qamtamasyz etý jáne halyqtyń densaýlyǵy men qorshaǵan ortany tıimdi qorǵaý. Jańa redaktsııadaǵy zań jobasy ıadrolyq, radıatsııalyq jáne elektr fızıkalyq qondyrǵylarly ornalastyrý, salý, paıdalaný jáne isten shyǵarý kezinde qaýipsizdik qaǵıdattary men negizgi talaptaryn aıqyn belgileýge baǵyttalǵan», - dep atap ótti ol.
Vıtse-mınıstrdiń túsindirýinshe, zań jobasy atom energetıkasy alasynda qyzmet etetin adamdardyń densaýlyǵyn saqtandyrýǵa nazar aýdaryp otyr.
Budan bólek, zań jobasynda ıadrolyq jáne radıatsııalyq apattarǵa daıyndyq jaǵdaılary da qarastyrylǵan.
Atalǵan zań jobasymen birge qarastyrylǵan "Atom energııasyn qoldaný máseleleri boıynsha Qazaqstan Respýblıkasynyń keıbir zańnamalyq aktilerine ózgerister men túzetýler engizý týraly" zań jobasy da qaraldy. Ol boıynsha Azamattyq kodekstiń 839-babyna ózgerister engizildi.
«Bul óz kezeginde atom energııasyn beıbitt maqsatta qoldaný barysynda personal men úshinshi taraptardyń densaýlyǵyn saqtaý úshin radıatsııalyq táýekelderdi saqtandyrýǵa jol ashady», - dep túsindirdi vıtse-mınıstr.
