Atom energetıkasyn damytýdyń áleýeti zor - Prezıdent
ÁBÝ-DABI. QazAqparat - BAÁ-degi «Bolashaq energııasy» Dúnıejúzilik Sammıtinde sóz sóılegen Prezıdent Nursultan Nazarbaev atom energetıkasynyń aýqymdy áleýetine toqtaldy, dep habarlady «QazAqparat» HAA tilshisi.
«Qazaqstan beıbit atomdy paıdalanýdy jaqtaıdy. 2015 jyly MAGATE álemdik derjavalardyń qoldaýymen bizdiń eldiń aýmaǵynda tómen baıytylǵan ıadrolyq otyn qurý týraly sheshim qabyldady. Ol atom energetıkasyn damytýdy josparlaǵan memleketterge arnalǵan. Tutastaı, atom energetıkasyn damytýdyń áleýeti zor», - dep atap ótti N. Nazarbaev.
Onyń aıtýynsha, búgin balamaly ýran sııaqty teorııany paıdalaný belsendi zerdelenýde. Osyǵan baılanysty, atom salasynyń tıimdiligi eleýli artatyn bolady.
Nazarbaev Astanada EKSPO kórmesiniń ótetinin de eske saldy.
«EKSPO-2017» kórmesiniń urany - «Bolashaq energııasy», sondaı-aq bizdiń Sammıttiń de ataýy solaı. Kórmede energetıka álemindegi barlyq jańa ázirlemeler men tehnologııalar usynylatynyna senimdimin. Ol búgingi Sammıttiń logıkalyq jalǵasy bolmaq. «EKSPO-2017» búginde eń damyǵan elderdiń qandaı tehnologııalyq áleýeti bar jáne álemdik energetıka qaıda jyljyp bara jatqanyn kórsetedi. Respýblıka úshin qurmetti ǵana emes, sonymen birge jaýapty mıssııa», - dep atap ótti ol.
