Atom bombasymen baılanysty zulmat oqıǵany adamzat zor qasiretpen eske alady
ASTANA. 6 tamyz. QazAqparat - Búgin elordadaǵy «Otan Ana» monýmentine osydan 67 jyl buryn Hırosıma men Nagasakı qalalaryna atom bombasy tastalǵan zulmat kúnge oraı gúldestesi qoıyldy.
Atalǵan shara ıAdrolyq qarýǵa tyıym salý úshin kúrestiń búkilálemdik kúnine arnaldy.
«Sol bir qaıǵyly oqıǵadan beri 67 jyl ótti. Bul az da, kóp te ýaqyt emes. Sizder Chernobyldaǵy, 450-den astam jarylys jasalǵan Semeı polıgonynda ótkizilgen ıadrolyq synaqtardaǵy jáne «Fýkýsıma» AES-tegi sońǵy oqıǵadaǵy qaıǵyly jaıttardy jaqsy bilesizder. Atom bombasy qarýymen baılanysty oqıǵalardy búginde adamzat balasy zor qasiretpen eske alady», - dedi «Nur Otan» HDP Astana qalalyq fılıalynyń ókili Qaırat Ahmetov.
Іs-sharaǵa qatysýshylar ıadrolyq jarylys qurbandaryn bir mınýt únsizdikpen eske aldy.
Sonymen qatar búgin «Atameken» etno-memorıaldy kesheninde Japonııa, Reseı, Ýkraına, Belarýs Elshileri sóz sóıleıdi dep kútilýde. Shara barysynda Hırosıma men Nagasakı, Semeı polıgony, Chernobyl, «Fýkýsıma» atom elektr stansalaryndaǵy qaıǵyly oqıǵalarǵa arnalǵan vıdıofılm kórsetiledi.
